Hajuherneh
| Hajuherneh | ||||||||||||||
|---|---|---|---|---|---|---|---|---|---|---|---|---|---|---|
 Hajuherneh | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Láthyrus odorátus L., 1753 | ||||||||||||||
|
Hajuherneh (latin.: Lathyrus odoratus) om üks'vozne heinäsine kazmuz Bobanvuiččed-sugukundaspäi.
Leviganduz
[vajehta | vajehtada lähtetekst]Libub Keskmeren randišton päivnouzmpalaspäi, sen Sicilijaspäi Krithasai. Semetas kul'turkazmuseks mail'madme, Venämas kazvab hüvin evropižen palan keskšoidus i pohjoižes.
Navedib päiväšt i venod nepsut, kazvab pahoin kuiviš i ülänepsoiš tahondoiš.
Ümbrikirjutand
[vajehta | vajehtada lähtetekst]Ujelii kazmuz, voib kazda üks'..kaks' metrad kortte nitüidme i konz sättui tugi om. Mecerikon änikod oma henomb, ottihe kul'turha čoman hajun tagut.
Jur'sistem om süvä värtmenvuitte, sarakoičese vähän. Lehtesed kazdas toine toižen kohtal, kaks'-koumepalaižed, kaikuččen agjas veza om tugen täht. Änikuz om toppaz, kazvab lehtesen varden alusespäi. Änikod oma väran forman. Meckazmusen äniklehtez om sirenin mujun i kaks'..koume santimetrad levette. Kul'turkazmusiden äniklehtesed oma suremb, mujud oma erazvuiččed i vajehtadas lujas.
Kävutand
[vajehta | vajehtada lähtetekst]Kazvatadas dekorativižeks kazmuseks 17. voz'sadaspäi. Saihe enamba sadad olijoiš sortuišpäi Sures Britanijas 19. voz'sadan lopus, erazvuiččen ližamujun änikoidenke, niiden haju om mel'heine.
Kazmuz om toksine. Kävutihe hajuherneht genetikan aigaližiš kodviš.
Homaičendad
[vajehta | vajehtada lähtetekst]
 |
Hajuherneh Vikiaitas |