Edmonton

**Edmonton**
Valdkund	Kanad
Eläjiden lugu (2021)	1,010,899 ristitud
Pind	765,61 km²
Pämez'	Amardžit Sohi; (reduku 2021—,; Amarjeet Sohi)
Telefonkod	+1−780, +1−587, +1−825, +1−368
Aigvö	tal'vel UTC−7,; kezal UTC−6

Edmonton (mugažo anglijan kelel, virktas [ˈɛdməntən] vai [ˈɛd.mən.tən]) om Kanadan videnz' surtte lidn. Se om Al'bert-provincijan administrativine keskuz i kahtenz' surtte lidn Kalgarin jäl'ghe.

Istorii

Eländpunktan aluz om pandud Gudzonan lahten kompanijal vl 1795. Sai nimed Londonan Edmonton-ezilidnan mödhe (nüg. Suren Londonan aglomeracijas), se oli kompanijan pämehen sündundtahoks. Vl 1885 raudte tuli Edmontonha, i vl 1892 se sai penen lidnan (angl.: town) statusad. Vn 1904 redukuspäi Edmonton om siti-statusanke («sur' lidn» anglijan kelespäi). Om provincijan keskuseks sen alusenpanendaspäi vl 1905.

Edmonton šingotase kivivoin samižel 1940-nziden voziden lopuspäi, kivivoin da londuseližen gazan ümbriradmižel.

Geografijan andmused

Lidn sijadase provincijan keskuzpalan suves, 645 m (vai 671 m) ü.m.t. keskmäižel korktusel. Nort Saskačevan-jogen randal. Matkad provincijan kaikiš surembha Kalgari-keskushesai om 280 km suvhe orhal vai 295 km avtol, Ottav-pälidnhasai om 2840 km päivnouzmha orhal vai 3390 km avtotedme.

Edmonton jagase 11 valičemižümbrikoks (angl.: ward), vai enamba mi 375 susedkundaks (angl.: neighbourhood, community).

Eläjad

Vn 2012 rahvahanlugemižen mödhe lidnan eläjiden lugu oli 817 498 ristitud, i 1,16 mln ristituid eliba ezilidnoidenke. Vl 2021 kaik 1,4 mln eläjid oli lidnaglomeracijas (kudenz' sija valdkundas) 9416 km² pindal.

Ristitišton tobj pala libui Britanižiš sarišpäi i Germanijaspäi, 13,9 % oma ukrainalaižed.

Irdkosketused

Lidnan tobmuden sait (edmonton.ca). (angl.)

Edmonton Vikiaitas

	Kanadan provincijad da territorijad i niiden administrativižed keskused
	Provincijad	Al'bert (Edmonton) \| Britanine Kolumbii (Viktorii) \| Eduard-princan Sar' (Šarlottaun) \| Kvebek (Kvebek-lidn) \| Manitob (Vinnipeg) \| Nju Bransujik (Frederikton) \| Saskačevan (Redžain) \| Njufaundlend da Labrador (Sent Džons) \| Ontario (Toronto) \| Uz' Šotlandii (Galifaks)
	Territorijad	Jukon (Uaithors) \| Lodehližed territorijad (Jellounaif) \| Nunavut (Ikaluit)