Rotaẑion de le colture

La rotaẑion dele colture l'é in mètozo de coltivar. El consiste te el canbiar ògni an el pòsto a un camp, semenando ogni òlta na semènẑa divèrsa (ma nò a caxo). Se el fa parché el taren el se impoveris de manco, dando così na rexa pì granda, parché asando la stesa pianta par tanti ani el taren el pèrẑ ẑèrte sostanẑe, e intant ghen rèsta altre bòne par altre piante. Tra l'altro, se ghe n'é dei batèri cativi, rotando le colture i gèrmi no i pòl continuar a sopraviver, parché ghe poderie capitar na pianta che no il li cen. Se pò se mete dele leguminoxe, tipo el faxol, ste piante le asa fora te el taren azoto, che el giuta cuele che vèn drìo.

De sòlito la rotaẑion se la fa a giro. Se la pòl far co varie sucesion, de 2 fin a 5-6.

De co che la é stata scuerta, la rotaẑion la ga giutà tanti òmeni a procurarse de magnar pur sènẑa aerse de spostar in giro ogni òlta, dando così na penta a l'agricoltura. I primi a coltivar co sto mètozo ga stat i coltivazori de el medio Oriente zà te el 6000 a.C.. Te l'età de mezo in Eoropa se ga tacà a doperarlo tanto co na sucesion de tre ani.