Leonardo Pieraccioni

Leonardo Pieraccioni

Biografia
Nasimènto	17 de febraro del 1965 (59 ani) Firense (Itàlia)
Atività
Ocupasion	diretor de cine, ator, prexentador de tełevixion, scritor, senezador, cantautor
Segno

Leonardo Pieraccioni, (Firense, 17 de febraro 1965), el ze un ator, rezista sinematogràfego itałian.

Fio únego, dopo aver frecuentà par do ani l'inderiso par perito aziendałe, inte'l 1981 a l'età de 16 ani Leonardo el partesipa al programa Un ciak par artisti domani, prezentà da'l debutante Carlo Conti. Inte'l 1985 el frecuenta el 100º Corso Allievi Carabinieri Ausiliari "Fortunato Caccamo" inte ła Cazerma Pepicelli de Benevento, insieme al cołega ed amigo Niki Giustini.^[1] Inte'l 1986 co Conti el conduze so Teleregione, el varietà Succo d'Arancia e insieme anca a Giorgio Panariello el resita inte'l só primo spetacoło teatrałe, Fratelli d'Italia che'l furoreza inte i palcosenisi toscani.^[2] I tre cołabora po' inte'l 1989 a ła reałizasion de'l programa Vernice fresca so'l sircuito tełevizivo nasionałe Cinquestelle.

El fa el só debuto in Rai inte el 1988 partesipando a'l programa Il piacere dell'estate (Raidue, dal 13 de zunjo a'l 16 de setenbre), e drioman a ła trazmision radiofònega Via Asiago Tenda. El segue l'espariensa a DeeJay Television so Italia 1 (1989-90) co'l nome d'arte de Zeba: el ezordise a'l prensipio co un sketch comico inte'l cuało el finze de èsar un cameraman pasà davanti a ła tełecamara, par po' acuistar senpre mazor spasio drento el programa. Daspò na łonga gaveta inte'l cabaret, el fa ła só prima aparision teatro co'l spetacoło comico Leonardo Pieraccioni Show (1990). L'ano sucesivo Alessandro Benvenuti ło vol inte el só film Zitti e mosca, che ła ze ła so prima espariensa sinematogràfega.

In utuno el ciapa parte come concorente a'l concorso par "novi tałenti" a l'interno de Fantastico 12 (conduzesto da Raffaella Carrà e Johnny Dorelli) in cui po' el rivarà segondo, nonostante el favor dei pronosteghi a ła vizilia de ła finałe. Inte'l 1992 el partesipa come ospite fiso al programa tełevizivo de tajo zovaniłe Europop (argomenti tratài: viaxi, mùzega e cultura varia) conduzesto da Elisa Jane Satta (ex vj de Videomusic) e in onda so Raidue par 19 pontade a partir da l'8 de marso fin al 1º de agosto. Inte l'istà de'l 1993 el prezenta co Brigitta Boccoli Vamos a bailar (8 pontàe, da'l 6 de łujo al 24 de agosto^[3]), varietà de Raiuno insentrà so i bałi łatinmericani^[4], indove A fegura anca l'iłuzionista Francesco Scimemi e ła bałarina braziliana Naja.

I sucesi de Villaggio vacanze Pieraccioni e Fratelli d'Italia, òtemi ezénpi de spetàcołi comici a teatro, i convinse Pieraccioni a provar ła carta de rezista sinematogràfego: el fa el só ezordio inte'l grando schermo co I laureati, canpion de incasi inte'l 1995^[5]: el film el costa 2 miłiardi de łire e ne incasa 13^[6]. Inazonta a'l steso Pieraccioni, A se difarensia come ator Massimo Ceccherini, amigo e speso cołaborador de Leonardo. Drioman el scrive, dirize e interpreta Il ciclone (inte'l cuało el presta ła voze anca Mario Monicelli) inte'l 1996, co inte'l cast i so amisi de sénpre Massimo Ceccherini e Alessandro Haber. El boteghin el premia el film co un incaso de 75 miliardi de łire (sìrca 40 miłion de euro), entrando inte ła top ten dei film de mazor incaso de senpre in Italia^[6], venjendo po' suparà l'ano sucesivo da'l film de Roberto Benigni La vita è bella.

El suceso a'l boteghin el viene replicà l'ano sucesivo co Fuochi d'artificio, indove ła trama ła canbia ma non el modus operandi, e el pùblego e ła critica i conferma el só apresamento co un incaso de 70 miłliardi, scuazi al par de Il ciclone. Pieraccioni el vien considarà uno dei mejo comici de'l momento. Drioman el dirize do film de discreto suceso: Il pesce innamorato (1999) e Il principe e il pirata (2001), 'st'ùltemo vinsidor de'l Nastro d'argento par ła mejo cołona sonora. Nonostante boni riscontri da parte de ła critica e al boteghin, i do film no i riese a ripeter i ecesionałi nùmari dei presedenti Il ciclone e Fuochi d'artificio.

A conja spetar el 2003 cuando co Il paradiso all'improvviso che, pur sensa stravolzer conpletamente el só stiłe, el ło unise a ła spiritozagine sgramatigada de Anna Maria Barbera, in arte Sconsolata, torna inte ła top ten dei incasi de ła stajon sinematogràfega corente, portando a caza ła sifra record de 24,6 miłion de euro, sbarajiando ła concorensa dei fenomeni del momento come Il Signore degli Anelli - Il ritorno del re (22,4 miłion) e Alla ricerca di Nemo (21,8 miłion).

El torna inte łe sałe inte'l 2005 cuando che'l dirize e interpreta Ti amo in tutte le lingue del mondo, distribuìo da Medusa Film, dove Giorgio Panariello interpreta só fradeło e Massimo Ceccherini un frar. El film el ze da novo un suceso a'l boteghin (suparzó 20 miłion de euro). L'11 apriłe 2005 el conduze na pontada de Striscia la notizia co Massimo Ceccherini, mentre el 2 marso 2006 el ze ospede a'l Festival de Sanremo, conduzesto cuel'ano da'l so amigo Giorgio Panariello. Inte'l 2007 el dirize e interpreta Una moglie bellissima, coinvolzendo ancora na volta Massimo Ceccherini e rołando inte'l cast Laura Torrisi, ex concorente de'l reality Grande Fratello a ła só prima prova de atora, e Gabriel Garko. Anca 'sto film el razonze ła top ten dei incasi de'l 2007: el film el sera co scuazi 21 miłion de euro, suparando solche de poche mière de euro el presedente film de Pieraccioni Ti amo in tutte le lingue del mondo.

Drioman el 18 desenbre 2009 A vien fora el film Io & Marilyn, produzesto da Medusa Film, come de consueto, inte'l parìodo de nadal,^[7] inte'l cuało el ze l'ùnego a poder parlar co'l fantazma de ła famoza atora Marilyn Monroe. El film el otien un bon suceso a'l boteghin, ma el incasa asé da manco dei presedenti film. De'l medemo parìodo d'usida e medemo produtor A ze el film de Nadałe 2011: el film da'l titoło Finalmente la felicità el vede Pieraccioni inte i pani de un profasor mùzego de Lucca, che'l descoerze de aver na soreła adotada a distansa da ła mare, intarpretada da Ariadna Romero, da novo a'l fianco de Rocco Papaleo.

Inte'l 2013 el torna al sinema co'l só novo film de Nadałe Un fantastico via vai, in usida el 2 desenbre, co Serena Autieri, Massimo Ceccherini e Giorgio Panariello: el film el vien promovesto a'l talent de Rai 1 Tale e quale show de l'amigo Carlo Conti el 6 desenbre durante ła finałe par ła cuała el ze anca menbro de ła zurìa insenbre a Claudio Lippi, Loretta Goggi e Christian De Sica; el se ezibise po' fora gara co'l steso Conti e Gabriele Cirilli imitando I Tre Tenori. Da'l 22 setenbre 2014 el conduze par na setemana so Canale 5 Striscia la notizia, in cobia co Maurizio Battista^[8].

A zunjo 2015 scumisia łe repreze de'l só novo film, Il professor Cenerentolo, produzesto da 01 Distribution che'l vien fora inte łe sałe a partir da'l 7 desenbre 2015^[9]. Inte'l cast A ghe ze Laura Chiatti, Flavio Insinna e Massimo Ceccherini. el 5 e 6 setenbre 2016 el debuta a l'Arena de Varona co Carlo Conti e Giorgio Panariello co'l spetacoło "Pieraccioni, Conti e Panariello - Lo Show". A seitarà po' na tournée co tape inte i palasport de Assago, Roma, Firenze e Livorno. Inte'l 2018 el torna al sinema co'l film Se son rose; mentre 3 ani pì tardi, el 14 de zunjo 2021, el taca łe repreze de Il sesso degli angeli co Marcello Fonte, Massimo Ceccherini e ła partesipasion de Sabrina Ferilli. Eło el ze zirà metà tra Firense e Roma e metà in Zvisara (presizamente a Ługàn). El film el vien fora in sała, distribuìo da ła 01 Distribution, el 21 apriłe 2022^[10].

El ga avùo na rełasion co Laura Torrisi, conosùa so'l set de Una moglie bellissima, co' ła cuała, inte'l 2010, el ga avùo na fia, Martina.^{[11] [12]} Atualmente ła vive a Firenze.

El ze tifozo de ła Fiorentina, come łu isteso el ga declarà in varie ocazion^[13], e el ze un gran fan de Francesco Guccini, che'l ga vołesto a'l só fianco inte i só film Ti amo in tutte le lingue del mondo, Una moglie bellissima e Io & Marilyn.

• I laureati (1995)
• Il ciclone (1996)
• Fuochi d'artificio (1997)
• Il pesce innamorato (1999)
• Il principe e il pirata (2001)
• Il paradiso all'improvviso (2003)
• Ti amo in tutte le lingue del mondo (2005)
• Una moglie bellissima (2007)
• Io & Marilyn (2009)
• Finalmente la felicità (2011)
• Un fantastico via vai (2013)
• Il professor Cenerentolo (2015)
• Se son rose (2018)
• Il sesso degli angeli (2022)

• I laureati, rezìa de Leonardo Pieraccioni (1995)
• Il ciclone, rezìa de Leonardo Pieraccioni (1996)
• Fuochi d'artificio, rezìa de Leonardo Pieraccioni (1997)
• Il mio West, rezìa de Giovanni Veronesi (1998)
• Il pesce innamorato, rezìa de Leonardo Pieraccioni (1999)
• Il principe e il pirata, rezìa de Leonardo Pieraccioni (2001)
• Il paradiso all'improvviso, rezìa de Leonardo Pieraccioni (2003)
• Ti amo in tutte le lingue del mondo, rezìa de Leonardo Pieraccioni (2005)
• Una moglie bellissima, rezìa de Leonardo Pieraccioni (2007)
• Io & Marilyn, rezìa de Leonardo Pieraccioni (2009)
• Finalmente la felicità, rezìa dei Leonardo Pieraccioni (2011)
• Un fantastico via vai, rezìa de Leonardo Pieraccioni (2013)
• Il professor Cenerentolo, rezìa de Leonardo Pieraccioni (2015)
• Se son rose, rezìa de Leonardo Pieraccioni (2018)
• Il sesso degli angeli, rezìa de Leonardo Pieraccioni (2022)

• Zitti e mosca, rezìa de Alessandro Benvenuti (1991)
• Bonus Malus, rezìa de Vito Zagarrio (1993)
• Miracolo italiano, rezìa de Enrico Oldoini (1994)
• I laureati, rezìa de Leonardo Pieraccioni (1995)
• Il ciclone, rezìa de Leonardo Pieraccioni (1996)
• Silenzio... si nasce, rezìa de Giovanni Veronesi (1996) - voze
• Fuochi d'artificio, rezìa de Leonardo Pieraccioni (1997)
• Viola bacia tutti, rezìa de Giovanni Veronesi (1998) - cameo
• Il mio West, rezìa de Giovanni Veronesi (1998)
• Il pesce innamorato, rezìa de Leonardo Pieraccioni (1999)
• Il principe e il pirata, rezìa de Leonardo Pieraccioni (2001)
• Il paradiso all'improvviso, rezìa de Leonardo Pieraccioni (2003)
• Ti amo in tutte le lingue del mondo, rezìa de Leonardo Pieraccioni (2005)
• Manuale d'amore 2 - Capitoli successivi, rezìa de Giovanni Veronesi (2007) - cameo
• Una moglie bellissima, rezìa de Leonardo Pieraccioni (2007)
• Io & Marilyn, rezìa de Leonardo Pieraccioni (2009)
• Finalmente la felicità, rezìa de Leonardo Pieraccioni (2011)
• Un fantastico via vai, rezìa de Leonardo Pieraccioni (2013)
• Il professor Cenerentolo, rezìa de Leonardo Pieraccioni (2015)
• Se son rose, rezìa de Leonardo Pieraccioni (2018)
• Il sesso degli angeli, rezìa de Leonardo Pieraccioni (2022)

Pieraccioni da'l 1998 el ze anca autor de raconti. Le só storie łe ze caraterizàe da un umorizmo speso amaro e da na comisità intriza de małinconia, pesimizmo e tristesa. El ga fato suzo i só manoscriti inte i łibri Trent'anni, alta, mora (1998), Tre mucche in cucina (2002) e A un passo dal cuore (2003).

Fin dai ezordi, inte i ani otanta, Pieraccioni el ze anca autor de canson. Cołaborando co Massimo Miniati e Nicola Serena dei Interno 31 el ga reałizà inte'l 1989 l'LP Animali di città (cantando anca in cubia co Carlo Conti) e el 45 ziri Ahi, ahi, ahi (I figliol di troia 'e 'un moian mai)^[14]. Inte'l 1992 el inside n'altro LP, intitołà Il tempo è un pesce che vola, in cołaborasion co Gianluca Sibaldi che'l se ga ocupà speso anca de łe mùzeghe orizenałe inte i só film, in cui A ze insarìo anca el brano Firenze. Inte'l 2013, in ocazion de'l film Un fantastico via vai, Pieraccioni el scrive La risata di mia figlia, che ła vien anca cantà da łu isteso, insieme a ła canson "Il re" in ocazion de'l film "Il professor Cenerentolo".

• 2020 - Ciclone (Takagi & Ketra e Elodie feat. Mariah, Gipsy Kings, Nicolás Reyes e Tonino Baliardo)

• 1996 - Candidatura a Mejo rezista ezordiente par I laureati
• 1997 - Candidatura a Mejo ator protagonista par Il ciclone
• 1997 - Candidatura a Mejo senejadura par Il ciclone
• 1997 - David speciale par Il ciclone
• 1997- Premio David Scuola par Il ciclone
• 2000 - David speciale

• 1997 - Mejo ator protagonista par Il ciclone
• 1997 - Mejo senejadura par Il ciclone

• 1997 - Mejo ator par Il ciclone

• Ciak d'oro 1997 - Mejo film par Il ciclone^[15]
• Ciak d'oro 1997 - Mejo rezista par Il ciclone^[15]

• Deejay Television (Italia 1, 1989-1990)
• Fantastico (Rai 1, 1991-1992) concorrente
• Europop (Rai 2, 1992)
• Vamos a bailar (Rai 1, 1993)
• Striscia la notizia (Canale 5, 2005, 2014)
• L'Eredità (Rai 1, 2007)
• Panariello Conti Pieraccioni - Lo Show (Rai 1, 2020)
• NYCanta - Festival della musica italiana di New York (Rai Italia, 2020)

1. ↑ Leonardo Pieraccioni ricorda di quando giovane allievo carabiniere frequentò la scuola "Franco Pepicelli" di viale Atlantici in un freddissimo 1985, Gazzetta di Benevento, 6 dicembre 2014.
2. ↑ Gigi Vesigna, Sorprese VIP, in Oggi, 5 zugno 2013, pp. 74-80.
3. ↑ dalla scheda di Vamos a bailar sul sito Teche Rai, sezione Varietà 1993-1994 Copia archiviatateche.rai.it. entrada il 29 marzo 2015 (archivià dal URL orizenałe il 23 gennaio 2015 Il valore del parametro dataarchivio non combacia con la data decodificata dall'URL: 23 de zenaro 2015 (juto)). .
4. ↑ agenzia del 5/7/1993 sul sito Adnkronos, sezione Archivio [1].
5. ↑ 'I LAUREATI' DA ZERO A CAMPIONE D'INCASSI, La Repubblica, 4 febbraio 1996.
6. ↑ ^{6,0 6,1} QUEL CICLONE DI PIERACCIONI ORA FA I FUOCHI D' ARTIFICIO, La Repubblica, 23 marzo 1997.
7. ↑ News, interviste e approfondimenti del film Io & Marilyn | MYmovies
8. ↑ "Striscia la Notizia" con i nuovi conduttori: coppia inedita Pieraccioni-Battista, today.it, 20 settembre 2014.
9. ↑ Il professor Cenerentolo, in La Repubblica, 5 dicembre 2015.
10. ↑ asburymovies.it, 20 aprile 2022, https://www.asburymovies.it/2022/04/20/il-sesso-degli-angeli/ Titolo mancante par url url (juto).
11. ↑ Laura Torrisi festeggia i 10 anni di Martina PieraccioniTGcom24, 14 dicembre 2020. entrada l'8 maggio 2021.
12. ↑ Laura Torrisi e Leonardo Pieraccioni: «tra noi è finita da tempo», vanityfair.it. entrada il 9 ottobre 2014.
13. ↑ Le reazioni dei tifosi vip, Pieraccioni: “Ho rotto il salvadanaio”, violanews.com, 27 giugno 2017.
14. ↑ Canzoni contro la guerra - Leonardo Pieraccioni: Ahi ahi ahi (I figliol di troia 'e 'un moian mai).
15. ↑ ^{15,0 15,1} Enrico Lancia, Ciak d'orobooks.google.it. entrada il 12/04/20.

• Wikimedia Commons el detien imàjini o altri file so Leonardo Pieraccioni
• Scholia el detien schemi gràfeghi so Leonardo Pieraccioni

• PieraccioniOfficial (canale ufisałe)YouTube.
• Pieraccioni, LeonardoTreccani.it – Enciclopedie on line, Istituto de ła Ençiclopedia Italiana.
• (EN) Opere di Leonardo PieraccioniOpen Library, Internet Archive.
• (EN) Leonardo PieraccioniGoodreads.
• (EN) Leonardo PieraccioniDiscogs, Zink Media.
• (EN) Leonardo PieraccioniMusicBrainz, MetaBrainz Foundation.
• (EN) Leonardo Pieraccionigenius.com.
• Leonardo PieraccioniMovieplayer.it.
• Leonardo PieraccioniFilmTv.it, Arnoldo Mondadori Editore.
• (EN) Leonardo PieraccioniInternet Movie Database, IMDb.com.
• (EN) Leonardo PieraccioniAllMovie, All Media Network.
• (EN) Leonardo PieraccioniRotten Tomatoes, Flixster Inc.