Kinetoscòpio

El kinetoscòpio el ze un pareciadura ideà da Thomas Edison inte el 1888, precursore de un projetore sinematogràfego. El zera sta desviłupà intrà el 1889 e el 1892 da l'oparatore de Edison William Dickson.^[1]

Se tratava de na sorta de granda casa andove inte ła parte sora ghe zera un ocułare; el spetatore el pozava l'òcio sora de sto cuà, butava drento na moneda, voltava ła leva e el podea vardare el film montà inte ła màchina su de rocheti. Se gaveva de consevensa na vizion monocułare, cofà par el despozitivo conosesto cofà Mondo novo, che parò el permeteva de védar solché inte imàzeni stàteghe. Traverso de un picenin foro piasà inte ła parte par sora de ła pareciadura el se podea védar un filmatin curto, proietà fazindo córar ła pełìcuła da 35 miłìmetri a na vełosità de 48 imàzeni par secondo (ła pełìcuła de ła Kodak). La prima demostrasion pràtega del novo aparato el se ghea vesto inte el 14 de apriłe del 1894 e ła ze sta vołesta da Edison par intrategnere ła zente co ła zera drio scoltar ła mùzega dal so fonògrafo.

• Wikimedia Commons el detien imàjini o altri file so Kinetoscòpio

• (EN) KinetoscopeEnçiclopedia Britannica, Encyclopædia Britannica, Inc.