Daniel Moi

Daniel Moi

Nome orizenałe	(sw) Daniel arap Moi
Biografia
Nasimènto	2 de setenbre del 1924 Sacho (Kenya britannico)
Mòrte	4 de febraro del 2020 (95 ani) Nairobi (Kenya)
Càuxa de morte	Sindrome da insufficienza multiorgano (it)
Presidente de l'Organizasion de l'Unità Africana
24 de zugno del 1981 – 6 de zugno del 1983 ← Siaka Stevens (it) – Menghistu Hailè Mariàm (it)  →
Presidente del Kenya
22 de agosto del 1978 – 30 de disenbre del 2002 ← Jomo Kenyatta – Mwai Kibaki →
Vicepresidente del Kenya
5 de zenaro del 1967 – 22 de agosto del 1978 ← Joseph Murumbi (en) – Mwai Kibaki →
Secretary for the Interior (en)
28 de disenbre del 1964 – 9 de apriłe del 1978
Member of the Legislative Council of Kenya (en)
5 de disenbre del 1963 – 20 de agosto del 2004 – Gideon Moi (en)  →
Dati personałi
Grupo ètnego	Tugen people (en)
Rełijon	Cristianèzemo
Formasion	Tambach Teachers Training College (en) Kapsabet High School (en)
Atività
Laóro	pułìtego
Partio	Union Nasionałe Africana del Kenya (1964–) Union Democràtega Africana del Kenya (1960–1964)
Fameja
Spoxa	Lena Moi (en)
Fiołi	Gideon Moi (en)
ordine del Cuore d'oro (it)
Segno

Daniel Toroitich arap Moi (2 setembre, 1924) el xe on politego keniano. El xe stà el rapresentante parlamentare de Baringo dal 1964 e presidente del Kenya dal 1978 al 2002. Ancò el sa ritirà a vita privata ma el ga continuà a influensar la politega del paexe.

Daniel Toroitich (questo el xe so vero nome; arap vol dir fiol de, e Moi el xera el nome de so pare. Co el xe entrà in politega, i inglexi, mia boni de capir ste sotiglieze, i le ciamava Moi, che i credea esar el so cognome. Da alora tuti i lo ciama Moi) el xe nato a Kurieng’wo, in tel distreto de Baringo. El xe on kalenjin. El pare l’é morto zoino e so mare, Kimoi Chebei la ga dovù tirarlo su da sola. El zoino Daniel el ga studià a Tambach e el xe diventà on maestro. El ga insegnà dal 1946 al 1955. En tel 1955, Moi el xe stà eleto in tel Consilio Legislativo. En tel 1960 el ga fondà el Kenya African Democratic Union (KADU) – Union Democràtega Africana del Kenya. Stò partio el dovea difendar i interesi de le tribù pi picenine contro i kikuyu e i luo che i dominava la sena locale. Moi el xe diventà ministro de l’educasion in tel 1960.

Co l’indipendensa, el Presidente Kenyatta el xe riusì a convinsar Moi a unir el so partio al KANU, che controlaa el governo. En sto modo, Kenyatta podea continuar a governar e verghe anca el sostegno de le tribù pi picenine de la Rift Valley. Moi el xe stà nominà ministro de i esteri (1964) e dopo vice presidente (1967-1978). Kenyatta el volea on vice presidente che fuse on bon politego e che no podese verghe el sostegno de la majoransa, par consolidar el so poter.

Co el primo presidente Kenyatta el xe morto el 22 agosto 1978, Moi el xe diventà presidente. I so primi ani i xe stà importanti par el Kenya. El girava da partuto e incontrava la zente. La so popolarità la xera alta. L’elite kikuyu, e specialmente el grupo pi visin al vecio presidente – conosu come la Mafia de Kiambu – i dixea che Moi el xera ‘na nuovola pasegera’. Ma el 1 agosto 1982, le forse de l’aviasion i ga tentà de far on colpo de Stato. L’esercito fedele al presidente el xe stà bon de difendare el presidente e Moi el ga usà la situasion par far fora – politicamente – i so aversari. Moi el xe diventà on ditator. I opositori i xera copadi o torturadi ne le cele de la Nyayo House, in tel sentro de Nairobi. L’ocidente no ga mai dito niente parché el Kenya el xera l’unico Stato stàbiłe e pro-ocidente inte la rejone. Par restar al poter, el presidente Moi el ga orchestrà na campagna de terore. Soldadi de l’esercito e malviventi i copava de la zente inocente e dopo se ghe dava colpa a le tensioni tribali. I ‘scontri tribai’ del 1991, 1992, 1996 i ga portà el paexe su l’orlo de la guera sivile. Moi el xe stà costreto da la presion internasionale a aprovar el multipartiismo. El tel 1992 e 1997 el ga imbroià le elesioni e el xe restà al poter anca se la majoransa no lo ga votà.

Anca se Moi no el xe mai stà condanà, el xe stà ono de i pi coroti presidenti africani. El se sa dato mliari de etari de tera, el ga organisà frodi de milioni de euro (el Scandalo Goldenberg el ga frutà pi del 10% del Prodoto Domestico del paexe), e el ga dato la so aprovasion a i signoroti locali in cambio del sostegno politego.

Le elesioni del 27 dicembre 2002 ga visto l’elesion del novo presidente Emilio Mwai Kibaki e la perdita de Uhuru Kenyatta, fiol del primo presidente e candidato de Moi. Parò Moi el gavea perso prima de rivar a le elesioni. Lu el no podea pi presentarse, e Uhuru Kenyatta nol xera la persona pi adata a tor el so posto. A lo steso tempo, la zente la xera stufa de Moi e l’opozision la se sera unia in na coalision (NARC). El di de elesioni tuto el paexe el xera in tension. La zente la xe andà a votar e dopo la se sa serà in casa. El dì dopo, co i risultati i mostraa la vitoria de l’oposision, tuti i xe vegnù fora par far festa. Moi el ga dovesto dare el poter al novo presidente e metarse da parte. El continua a controlar la vita del KANU grasie a i tanti contati che el ga in tuto el paexe.

Moi el se sa sposà co Lena Bommet in tel 1950. El ga barufà co ela durante na serimonia publica in tel 1974 e da alora so mojer la ga visù ne la so casa rente a Eldama Ravine. Moi el ghe andava a catarla de tanto in tanto. Moi el ga oto fioi, cinque omeni e tri done, ona la xe adotada. So fiol Gideon el xe on parlamentare e ono de i pi coroti omeni politeghi del Kenya. N’altro so fiol, Jonathan el xe stà on pilota de rally, n’altro fiol, Philip, el xera on oficiale de l’esercito.

Portałi:
• Portałe de Africa
|

• Wikimedia Commons el detien imàjini o altri file so Daniel Moi
• Scholia el detien schemi gràfeghi so Daniel Moi