30 de apriłe

zenaro · febraro · marso · apriłe 2024 · majo · zugno · lujo · agosto · setenbre · otobre · novenbre · disenbre
	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma
← 31	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	→

Nasesti in rezalto

Modeło:Nasesti in rezalto/4/30/Mondo

Moresti in rezalto

Modeło:Moresti in rezalto/4/30/Mondo

El 30 de apriłe el ze el 120° dì dal scumìsio de l'ano drio del całendàrio gregorian e el 121° inte i ani bizesti. Par rivar al cao de l'ano ghe vołe oncora 245 dì.

Avegnimenti

311 – Gałèrio el promulga l'Edito de Serdica col cuało se ghe consede perdono e libartà de culto ai cristiani, basta che i demóstree de respetar ła leje.
313 – Bataja de Tsiralum: Lisìnio el sconfise Masimin Daja, divegnendo el ùnzoło sior de ła parte orientałe de l'Inpero roman
1573 – Croła la tore de ła Catedrałe de Beauvais, (150 m), che in chełi tenpi là, ła ghea da èsar el edifegà pì alto del mondo.
1789 – So ła balconada de ła Federal Hall de Wall Street, a New York, George Washington el fa zuramento, divegnendo el primo presidente dei Stati Unii
1803 – I Stati Unii i acuizise el Teritòrio de ła Louisiana da ła Fransa par 15 milioni de dòłari, pì che dopiando łe dimension de cheła che al tenpo ła zera ła zóvana nasion
1812 – El Teritòrio de Orleans el divien el 18º Stato USA, col nome de Louisiana
1815 – Guera austro-napołetana: le trupe austrìaghe comandae da Laval Nuzent von Wezetmeath łe òcupa Roma e i rimete sol trono Papa Pio VII.
1848 – Prima guera d'indipendensa italiana Carga de Pastrengo: trè scuadroni de Carabinieri Reałi comandai dal major Negri de Sanfront i inpedise che el rè Carlo Alberto el cascase inte na inboscada fata da s-cioparołi tirołezi e co na granda carga i ghea travolzesto i reparti nemighi co efeto trasnatore so łe trupe del Rè determenando el croło de l'intiera lìnea austrìaga.
1863 – Guera de secesion americana: Taca la bataja de Chancelorsville – le forse de l'Union guidae dal major zeneral Joseph Hooker i taca conbàtar le forse confederae comandae dal zenerałe Robert E. Lee (sconfita de l'Union)
1864 – Guera de secesion americana: Bataja de Jenkin's Fery – le trupe de l'Union in retirada, comandae dal zenerałe Frederick Steele, i pende fora łe forse Confederae al comando del zenerałe Edmund Kirby Smith
1900 – Le Hawaii i vien un teritòrio dei Stati Unii
1904 – Si verze l'Espozision Internasionałe de St. Louis, Missouri
1918 – El Guatemała el declara guera a ła Zermània
1939 – Franklin Delan Roosevelt el ze el primo presidente dei Stati Unii a vegner fato védar in tełevizion
1943 – Seconda guera mondiałe: Operasion Mincemeat – El sotomarin britànego HMS Seraph el vien su dal mar Mediteraneo drio de ła costa spagnoła, deponendo un cadàvaro co indoso falsi piani de invazion e vestio da ufisałe del controspiociajo britànego
1944 – Un bonbardamento aereo el ciapa el Teatro Munisipałe e el cuartiero popołare Cristo, a Alessandria, causando 239 morti
1945
- Esìdio de siviłi a Meran: i finise i soldai todeschi ła vendegasion.
- Adolf Hitler e Eva Braun i se copa dopo èsarse maridai el dì prima, el grandamerajo Karl Dönitz el vien el novo presidente del Reich;
- Bataja de Monte Casale a Ponti sul Mincio: ła ze considerada èsar ła ùltema vera e pròpia ùltema bataja de ła seconda guera mondiałe inte el teritòrio italian, scontro sanguinante conbateseto da do brigae partezane (ła Brigada Itàlia (Verona) e la Brigada Avesani) jutae dal IX rezimento Arditi contro nasisti de ła FlaK drio scanpar.
1948
- A Bogotà (Cołónbia), fondada l'Organizasion dei Stati americani.
- La Land Rover ła vien prezentada a ła Mostra de l'àuto de Amsterdam
1966 – California: Fondasion de ła Ceza de Satana par man de Anton Szandor LaVey
1973 – Scàndało Watergate: El presidente Richard Nixon el anunsa le dimision de racuanti consejeri de ła Caza Bianca.
1975 – Guera del Vietnam: le trupe nordvietnamie łe òcupa Saigon, metendo fin ła guera
1977 – Prima marsa de łe Mari de Plaza de Mayo, che łe reclamea informasion so i fiołi desaparecidos, sparii.
1980 – La monta al trono Beatrice dei Paezi Basi
1993
- El CERN el anunsa che el World Wide Web el sarà agràtis par tuti.
- Inte un cànbio de canpo al torneo de tènis de Anburgo, Monica Seles ła vien incortełada da un mato sostegnidor de ła rivałe Steffi Graf. La Seles no ła zogarà altro inte i tornei par pì de do ani dopo de l'insidente
- Tanzentòpułi: la Càmara dei deputai ła vota contro a cuatro de łe sie autorizasion a prosédare par corusion e ricetasion dimandae da ła mazistratura contro Bettino Craxi. Ła sera stesa el segretàrio del PSI el vien ciapà davanti a l'Hotel Raphael de Roma, andove el abitava, da tanti manifestanti che i taca tirarghe de łe monedine de fero par protestar.^[1]
1994 – Durante la sesion de cuałìfeghe del Gran Prèmio de San Marin de Fòrmuła 1, more el piłota austrìago Roland Ratzenberger, sbandà da ła pista a pì de 300 km/h a ła curva Viłeneuve, dopo del sedimento de na parte del spoiler anterior.
1998 – La NATO el se espansiona co l'entrada de Repùblega Ceca, Ungaria e Połònia (nasio che łe vegnarà asetae inte l'ocazion del 50º aniversàrio de ła NATO, inte l'apriłe de l'an dopo)
1999 – La Canboza ła se unise a l'Asociasion de łe Nasion del Sud-est asiàtego (ASEAN) portando el nùmero totałe a 10
2002 – Un referendum in Pakistan el aprova in stra-larga majoransa el goerno miłitare de Pervez Musharaf par altri sìncue ani
2008 – Gianfranco Fini el vien ełezesto presidente de ła Càmera dei deputai del parlamento Italian
2009 – Atentà a ła fameja reałe dei Paezi Basi: inte łe sełebrasion par el Koninginnedag (Dì de ła rezina) a Apeldoorn (Paezi Basi), na automòbiłe ła core in alta vełosità so ła manifestasion nando sbàtar contro un monumento. Łe more 8 persone (anca l'atentator) e 10 i resta ferii.
2013 – La rezina Beatrice dei Paezi Basi ła àbdega, ła sostituise al trono so fioło Gulièlmo Alesandro dei Paezi Basi