Qoʻrboshi
Qiyofa
(Qo`rboshidan yoʻnaltirildi)
Qoʻrboshi (قورباشی) – tarixiy harbiy atama;
- oʻrta asrlarda Oʻrta Osiyo xonliklari va ayrim Sharq davlatlarida dastlab shaharni tunda qoʻriqlovchi mirshab; soʻngra qurol-yarogʻ ombori (qoʻr) mutasaddisi hamda qurol-aslaha, turli yaroqlar va toʻp yasash korxonalari (qoʻrxona) boshligʻi. Qoʻqon xoni Xudoyorxon davrida qoʻrboshi qoʻrxona, miltiqxona, toʻpxonalarga boshchilik qilib, u xom ashyo topib kelishdan to tayyor mahsulot ishlab chiqarish va ularni xon qaroriga binoan tarqatish jarayoniga boshchilik qilgan;
- Turkiston oʻlkasida Oktyabr toʻntarishigacha boʻlgan davrda mahalliy politsiya boshligʻi. Masalan, Qoʻqon va Margʻilonda 1917-yilda shahar mirshablarining boshligʻi qoʻrboshi deb atalgan;
- Turkistonda sovet rejimiga qarshi qurolli harakat harbiy rahbarlarining unvoni. Qoʻrboshilar xalqning turli tabaqalari orasidan chiqqan obroʻli shaxs hisoblangan. Qoʻrboshilar orasida hatto ayollar ham boʻlgan.
Yana qarang
[tahrir | manbasini tahrirlash]![]() | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
![]() |