Узункўл (туман)

Узункўл тумани
қоз. Ұзынкөл ауданы

туман
Таркибида	Қўстанай вилояти
Маъмурий маркази	Узункўл
Асос солинган санаси	1939-йил
Расмий тиллар	қозоқ, рус
Аҳоли (2010)	25,264
Миллатлар таркиби	руслар — 42,07% қозоқлар — 41,02% украинлар — 9,66% олмонлар — 1,77% белоруслар — 1,72% татарлар — 0,95 [1][2]
Динлар таркиби	мусулмонлар, христианлар
Вақт минтақаси	УТC+6
Телефон коди	+7 71444[3]
Автомобил рақами коди	П, 10
Харитада
53°49′0″Н 65°20′0″Э / 53.81667°Н 65.33333°Э / 53.81667; 65.33333

Узункўл тумани' — Қўстанай вилоятининг шимолий қисмида жойлашган. 1939-йили ташкил топди. 1966-йилгача Узункўл, 1966 — 96-йилларда Ленин тумани деб номланиб келди. Майдони 7,2 минг км². Аҳолиси 25 264 киши (2010). Туманнинг маъмурий маркази — Узункўл қишлоғи.

Туман Ғарбий Сибир текислигининг жануби-ғарбий ҳудудида жойлашган. Туман ери асосан текислик, фақат марказий ва ғарбий қисми анчагина қир-адирликлардан ташкил топган. Мутлақ баландлиги 185 м. Обаған дар. водийсининг мутлақ баландлиги 89 м. Ҳудудининг асосий қисмини кўлли, сойғоқ ландшафт ташкил қилади.

Туман аҳолиси кўп миллатли ҳисобланади. Аҳолисининг зичлиги 1 км²-га 3,8 кишидан тўғри келади Туман аҳолисининг миллий таркиби (1-январ 2010-йил)^[1][2]:

• руслар — 10 628 киши (42,07 %)
• қозоқлар — 10 364 киши (41,02 %)
• украинлар — 2 441 киши (9,66 %)
• олмонлар — 448 киши (1,77 %)
• белоруслар — 434 киши (1,72 %)
• татарлар — 241 киши (0,95 %)
• молдаванлар — 106 киши (0,42 %)
• озарбайжонлар — 99 киши (0,39 %)
• бошқалари — 503 киши (1,99 %)
• Умумий — 25 264 киши (100,00 %)

Иқлими кескин континентал, қиши совуқ, қаҳратон, бўронли, ёзи илиқ, қурғоқ. Январ ойининг ўртача ҳарорати −17 — 19 °C, июлники 19 — 21 °C. Ёғингарчиликнинг йиллик ўртача миқдори 300 – 350 мм. Туманнинг ғарбий тарафидан Обаған дарёси оқиб ўтади. Туманда кўллар кўп, асосан кўпчилиги чучик сувли. Уларнинг умумий ҳудуди 33,8 минг га. Катта кўллари: Сариоба, Речной, Сарибалиқ, Жарқайин, Жасилбағар, Айжан, в.ҳ.