Словенлар
Словенлар, словинлар — Словения Республикасидаги халқ. 2,3 млн. киши (1990й.лар урталари), жумладан, Словенияда 1,7 млн. киши. Словен тилида сўзлашади. Диндорлари — католиклар, протестантлар ва православлар ҳам бор. ҳозирги С. аждодлари мил. 6—7-асрларда Дунай дарёсининг ўрта оқими бўйлари, Паннония пасттекислиги, Шарқий Алп (Карантания)да яшаган. 8-асрда карантаниялик С. германларга тобе бўлиб крлганлар. 13-асрдан словен ерларининг катта қисми Австрия (1867-йилдан Австрия-Венгрия) таркибида. 1918-йил Серблар, хорватлар ва словенлар қироллиги (1929-йилдан — Югославия) барпо этилган. 20-асрнинг 1-ярмида миллат бўлиб шаклланган. Югославия таркибидан ажралиб чиққан С, 1991-йил 25 июндан мустақил давлат барпо этганлар.
С. деҳқончилик, чорвачилик, боғдорчилик, узумчилик, асаларичилик ва ҳунармандчилик билан шуғулланади.
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |