Сарапул

Сарапул — Россия Федерациясининг Удмуртия Республикасидаги шаҳар (1780-йилдан). Кама дарёсининг ўнг соҳилидаги йирик порт. Темир йўл стансияси. Аҳолиси 107,4 минг киши (1998). Иқтисодий аҳамияти жиҳатидан Республиканинг Ижевскдан кейинги 2шаҳри. Кўн ва поябзал саноатининг қад. маркази. Машинасозлик (мудофаа маҳсулоти, радиостансиялар, автомобил радиоприёмниклари, уйрўзғор электр асбоблари, нефт саноати жиҳозлари ва бошқа ишлаб чиқариш) ривожланган. Ёғочсозлик, енгил ва озиқ-овқат саноатлари корхоналари бор. Ижевск механика институтининг филиали, бир неча ўрта махсус билим юрти, драма театри, ўлкашунослик музейи ишлаб турибди. 19—20-аср бошлари меъморий ёдгорликлари сақланган.^[1]

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола чаладир. Сиз уни бойитиб, Википедияга ёрдам беришингиз мумкин. к м т Бу андозани аниқроғига алмаштириш керак.