پردیپ کوٹیم

پردیپ کوٹیم
معلومات شخصیت
مقام پیدائش	کوٹایم
وفات	سنہ 2022ء   کوٹایم
عملی زندگی
پیشہ	اداکار
	IMDB پر صفحات
درستی - ترمیم

پردیپ کے آر (1961 – 17 فروری 2022)، جنہیں پیشہ ورانہ طور پر پردیپ کوٹیم کے نام سے جانا جاتا ہے، ایک ہندوستانی فلمی اداکار تھے جنھوں نے بنیادی طور پر ملیالم فلموں اور کچھ تامل فلموں میں کام کیا۔ وہ اپنے مزاحیہ کرداروں کے لیے مشہور ہیں۔ 2010 کی تامل فلم ونئیتھاندی وروایا میں ان کے کردار کی بہترین ڈائیلاگ ڈیلیوری کے بعد وہ لوگوں کی توجہ حاصل کرنے میں کامیاب ہوئے۔

پردیپ نے اپنے اداکاری کیرئیر کا آغاز 2001 میں آئی وی سسی کی ہدایت کاری میں بننے والی ملیالم فلم ای نادو انالے وارے سے کیا۔ اپنے کیریئر کے ابتدائی مراحل میں، انھوں نے ایک جونیئر آرٹسٹ کے طور پر کام کیا، بنیادی طور پر وہ غیر بولنے والے کرداروں اور غیر معروف کرداروں میں نمودار ہوئے۔ وہ راج مانکیم اور 2 ہری ہر نگر سمیت بہت سی فلموں میں بھیڑ کے مناظر یا غیر بولنے والے کردار کے طور پر نظر آئے ہیں۔ انھوں نے گوتم واسودیو مینن کی ہٹ فلم ونئیتھاندی وروایا میں انھیں پہچان ملی، جس میں انھوں نے فلم کی ہیروئن ترشا کرشنن کے چچا کا کردار تھا جسے خوب سراحا گیا۔ اسی فلم کی تیلگو زبان میں ری میک یہ مایا چیساوی اور ہندی ری میک ایک دیوانہ تھا میں انھوں نے یہ کردار دو بار پھر نبھایا۔

ان کے مشہور کاموں میں آڈو اورو بھیگارا جیوی آنو، اورو وڈکن سیلفی، لائف آف جوسوٹی، کنجیرامیانم، ویلکم ٹو سینٹرل جیل، امر اکبر انتھونی، آدی کپیارے کوٹمانی اور کٹپپانائیلے ریتھوک روشن شامل ہیں۔ ^[1] وہ کامیڈی ڈائیلاگ ڈیلیوری میں اپنے خاص انداز کے لیے جانے جاتے ہیں۔ زیادہ تر، انھوں نے مزاحیہ، معاون اور کیمیو کردار ادا کیا۔ پردیپ نے دوسرے ایشیا نیٹ کامیڈی ایوارڈز 2016 میں مختلف کرداروں کے لیے بہترین معاون اداکار کا ایوارڈ بھی حاصل کیا۔ انھوں نے آخری بار موہن لال کے ساتھ بی اننی کرشنن کی ہدایت کاری میں بنی فلم آراٹو میں کام کیا۔

پردیپ کی شادی مایا سے ہوئی تھی۔ دونوں کے دو بچے ہیں۔ وہ 17 فروری 2022 کو کوٹایم کے ایک نجی اسپتال میں دل کا دورہ پڑنے سے 61 سال کی عمر میں انتقال کرگئے۔ ^[2][3]

• انٹرنیٹ مووی ڈیٹابیس (IMDb) پر پردیپ کوٹیم