فریڈرک جارج مان

فریڈرک جارج مان
معلومات شخصیت
پیدائش	29 جون 1897ء   لندن
وفات	29 مارچ 1982ء (85 سال)  کیمبرج
رکن	رائل سوسائٹی
عملی زندگی
مقام_تدریس	کیمبرج
مادر علمی	ڈاوننگ کالج
ڈاکٹری مشیر	ولیم جیکسن پوپ
پیشہ	کیمیادان
پیشہ ورانہ زبان	انگریزی [1]
ملازمت	جامعہ کیمبرج
درستی - ترمیم

فریڈرک جارج مان FRS (29 جون 1897 - 29 مارچ 1982) ایک برطانوی نامیاتی کیمیاء دان تھے۔

آپ نے ڈاکٹریٹ کی تعلیم ڈاوننگ کالج، کیمبرج میں سر ولیم پوپ کے تحت مکمل کی، سنہ 1923ء میں گریجویشن کیا۔ وہ سنہ 1930ء تک ڈاوننگ میں بطور اسسٹنٹ لیکچرر رہے، بعد میں وہ ٹرینیٹی کالج میں لیکچر شپ کے لیے مقرر ہوئے۔ انھوں نے اپنا پورا تعلیمی کیرئیر کیمبرج یونی ورسٹی میں گزارا،اور سنہ 1964ء میں ریٹائر ہوئے۔ ^[2]

مان کی تحقیق مختلف موضوعات پر محیط ہے، جن میں نامیاتی اور غیر نامیاتی کیمیا کے درمیان رابطے، بشمول ایلی فیٹک پولی امائن، فوسفائن، آرسائن اور ان کے کمپلیکس کی تحقیقات؛ فاسفورس اور سنکھیا Arsenic کے ہیٹرو سائیکلک heterocyclic مرکبات اور ان کے دھاتی احاطے؛ پولی سائکلک نائٹروجن مرکبات؛ منتقلی دھاتی کمپلیکس کی ساخت اور آپٹیکل خصوصیات؛ سٹیریو کیمسٹری اور سائینائن رنگ، شامل ہیں۔ ^[3]

انھوں نے سنہ 1943ء میں رائل سوسائٹی آف کیمسٹری کا ٹلڈن پرائز Tilden Prize جیتا اور سنہ 1947ء میں رائل سوسائٹی کے لیے منتخب ہوئے۔ ^[2]