Антонина Грибанова

Җенес	хатын-кыз
Ватандашлык	СССР
Туу датасы	9 февраль 1932(1932-02-09)
Туу урыны	Түбән Новгород, РСФСР, СССР
Үлем датасы	5 март 1999(1999-03-05) (67 яшь)
Үлем урыны	Түбән Новгород, Россия
Һөнәр төре	тегүче

Антонина Сергеевна Грибанова (1932 елның 9 февраль — 5 март 1999 ел) — совет җиңел сәнәгате алдынгысы, РСФСР җиңел сәнәгать министрлыгының хатын-кызлар һәм балалар киемнәре тегү буенча «Маяк» җитештерү берләшмәсенең тегүче-мотористы, Социалистик Хезмәт Каһарманы (1971).

Антонина Сергеевна Грибанова 1932 елда Нижний Новгород шәһәрендә туа.

1947 елда, җидееллык мәктәпне тәмамлаганнан соң, 1 нче тегү фабрикасына эшкә урнаша. Балалар һәм хатын-кызлар киемнәре тегү буенча тегүче-моторчы булып эшли башлый.

1964 елда иң югары 5 нче разряд бирелә, ә 1968 елда "Алтын куллар остасы"исеменә лаек була.

СССР Югары Советы Президиумының 1971 елның 5 апрелендәге Указы белән җиңел сәнәгатьтә югары нәтиҗәләргә ирешүе һәм кием тегү һәм җитештерү буенча рекорд күрсәткечләре өчен Антонина Сергеевна Грибановага Социалистик Хезмәт Герое исеме бирелә, ул Ленин ордены һәм «Урак һәм Чүкеч» медале белән бүләкләнә. Алга таба да җиңел сәнәгаттә эшләвен дәвам итә.

1974 елда ул "Үз һөнәренең иң яхшы хезмәткәре", ә 1978 елда "Иң яхшы остаз"исеменә лаек була. 29 ел производствода эшләгәннән соң, ул 8 нче училищега тегү укытучысы булып күчә.

Горький шәһәр депутатлар Советы депутатына сайлана.

1995 елда лаеклы ялга чыга.

Туган шәһәрендә яши. Антонина Сергеевна Грибанова 1999 елның 5 мартында вафат була, Афонин зиратына җирләнгән.

Хезмәттәге уңышлары өчен бүләкләнде:

• «Урак һәм Чүкеч» медале (05.04.1971)
• ике Ленин ордены (09.06.1966, 05.04.1971)

башка медальләр.

• Герои Труда - нижегородцы. - Нижний Новгород, 2001.

• «Илнең каһарманнары» сәхифәсендә  Антонина Грибанова