Soane Patito Pompallier
Ko Soane Patito Pompallier (pe Jean Baptiste François Pompallier ʻi he lea fakafalanisē) ko e ʻepikopō ʻuluaki ʻo Polinisia ia. (Kā naʻa ne nofo ʻi ʻAokalani, Nuʻusila pē. Ko e ʻepikopō ʻuluaki nofo ʻi loto Polinisia, ʻa ia ko ʻUvea, ko Pierre Bataillon ia.)
Naʻa ne faʻeleʻi ʻi Lyon ʻi Falanisē he 11 Tisema 1802, pe pekia ʻi Puteaux ofi he Pālesi he 21 Tisema 1871.
Ko ia mo e ngaahi faifekau Malisi, naʻa nau folau mei Falanisē ki Mangareva mo Tahisi. Pea naʻa nau folau he 5 ʻOkatopa 1837 ki Tongá ni, ka naʻe fakafisi heʻenau tūʻuta. Naʻa nau ʻalu ki ʻUvea, pea ko Pierre Bataillon mo Joseph Xavier naʻa na tūʻuta ki ai he 1 Nōvema 1837, pea ko Petelō Sanele, naʻa ne tūʻuta ʻi Futuna. Ko Pompallier naʻa ne hoko atu ʻene folau ki Lotuma (fakafisi tūʻuta), pea naʻa ne aʻu ki Senē.
ʻOsi ʻa e kiʻi mālōlō naʻa ne folau ki Nuʻusila, aʻu ki ai ʻi he 10 Sānuali 1838. Pea naʻe fuoloa ʻene nofo ʻi ai. Naʻa ne hoko ʻepikopō ʻi 1848, pea ʻi heʻene motuʻa, naʻa ne foki ki Falanisē ʻi 1868
