Peter Barakan

Ang article ay isang Ulila, dahil walang ibang mga artikulo ang naka-link dito. Mangyaring mula sa ipinakilala ang mga link sa pahinang ito mula sa mga kaugnay na artikulo; subukan mo ang Find link tool para sa mga mungkahi. (Disyembre 2020)

Si Peter Barakan ay isang Hapones na DJ at brodkaster, ang punong-abala (host) ng "Barakan Beat" na nasa InterFM.^[1][2] Siya rin ang host ng seryeng Begin Japanology (Simulan ang Haponolohiya) na nasa NHK World, na nagpapakilala ng sari-saring mga aspeto ng kalinangang Hapones.^[3]

Ipinanganak si Peter Barakan sa Londres at pinalaki roon ng isang amang Hudyo na may lahing Polako, at ng isang inang may lahing Burmes. Pagkaraang mag-aral sa Paaralan ng mga Araling Oryental at Aprikano sa Pamantasan ng Londres, pinasok ni Barakan ang industriya ng musika bilang isang clerk, at noong 1974 ay lumipat sa Hapon upang ipagpatuloy ang kaniyang karera. Kasal siya kay Yoshida Mayumi. Ang nakababata niyang kapatid na lalaki ay ang musikerong si Shane Fontayne.^{[kailangan ng sanggunian]}

Naging host siya ng programang CBS Document ng TBS simula noong Oktubre 1988,^[1] isang edisyong Hapones ng 60 Minutes.^[4] Siya ang host ng may tatlong-oras na Barakan Morning na nasa radyong InterFM noong 2011.^[5][6] Noong 2011, dahil sa sakunang nuklear ng Fukushima Daiichi, hinadlangan si Barakan na patugtugin ang isang awit na protestang nukleyar, dahil maaari itong makalikha ng fuhyo higai, na nangangahulugang "pinsala mula sa mga tsismis" (kasiraan mula sa mga sabi-sabi).^[7] Noong 2012, pinamunuan ni Barakan ang isang talakayan na tinangkilik ng U.N. na nilahukan ng maraming mga alkalde ng iba't ibang lungsod na ang paksa ay hinggil sa muling pagtatayo ng mga pamayanan kasunod ng Lindol at tsunami sa Tohoku noong 2011.^[8]