Miss Universe 2003

Miss Universe 2003
Amelia Vega
Petsa	3 Hunyo 2003
Presenters	Billy Bush Daisy Fuentes
Entertainment	Bond Chayanne
Pinagdausan	Figali Convention Center, Lungsod ng Panama, Panama
Brodkaster	Internasyonal: NBC Opisyal: TVN
Lumahok	71
Placements	15
Bagong sali	Serbya at Montenegro
Hindi sumali	Gana Hilagang Kapuluang Mariana Honduras Kapuluang Birheng Britaniko Kapuluang Birhen ng Estados Unidos Kenya Portugal Tsile Urugway
Bumalik	Arhentina Bagong Silandiya Barbados Belis Taywan
Nanalo	Amelia Vega Republikang Dominikano
Congeniality	Kai Davis Antigua at Barbuda
Pinakamahusay na Pambansang Kasuotan	Amelia Vega Republikang Dominikano
Photogenic	Carla Tricoli Porto Riko
← 2002 2004 →

Ang Miss Universe 2003 ay ang ika-52 edisyon ng Miss Universe pageant, na ginanap sa Figali Convention Center, Lungsod ng Panama, Panama noong 3 Hunyo 2003.^[1][2]

Pagkatapos ng kompetisyon, kinoronahan ni Justine Pasek ng Panama si Amelia Vega ng Republikang Dominikano bilang Miss Universe 2003.^[3][4] Ito ang kauna-unahang tagumpay ng Republikang Dominikano sa kasaysayan ng kompetisyon. Nagtapos bilang first runner-up si Mariángel Ruiz ng Beneswela, samantalang nagtapos bilang second runner-up si Cindy Nell ng Timog Aprika.^[5][6]

Mga kandidata mula sa pitumpu't-isang bansa at teritoryo ang lumahok sa kompetisyong ito. Pinangunahan nina Billy Bush at Daisy Fuentes ang kompetisyon. Nagtanghal sina Chayanne at Bond sa edisyong ito. Ito ang unang edisyon na ipinalabas sa NBC.

Sa pagtatapos ng Miss Universe 2002, inanunsyo ng mga host na sina Phil Simms at Daisy Fuentes na ang ika-52 edisyon ng kompetisyon ay magaganap sa Lungsod ng Panama, Panama. Ito ang ikalawang beses na naganap ang kompetisyon sa Panama; nag unang pagkakataong idinaos ang kompetisyon ay naganap noong 1986.^[7][8] Naganap ang kompetisyon sa noo'y-kakagawa lang na Figali Convention Center.^[9]

Dahil sa SARS outbreak na naganap noong panahong iyon, hinihiling ng noo'y-alkalde ng Lungsod ng Panama na si Juan Carlos Navarro na magpakita ng mga medikal na sertipikasyon at iba pang mga dokumento ang mga kandidata na nakasulat sa wikang Ingles at Espanyol nang hindi bababa sa dalawang araw bago sila dumating sa Lungsod ng Panama upang matiyak na hindi kakalat ang virus sa lungsod, gayundin sa bansang Panama.^[10]

Ang mga kalahok mula sa pitumpu't-isang bansa at teritoryo ay napili upang lumahok sa kompetisyon. Limang kandidata ang napili matapos ang pag-urong ng orihinal na kalahok.

Iniluklok si Nour El-Semary bilang kinatawan ng Ehipto matapos bumitiw si Miss Egypt 2003 Horreya Farghally dahil sa haka-hakang siya ay patagong ikinasal.^[11] Iniluklok si Katrin Susi bilang kinatawan ng Estonya dahil hindi pasok sa age requirement ng Miss Universe si Miss Estonia 2003 Maili Nomm.^[12][13] Iniluklok si Iwona Makuch bilang kinatawan ng Polonya matapos magdesisyon ni Miss Poland 2002 Marta Matyjasik^[14] na unahin muna ang kanyang pag-aaral.^[15] Dapat sanang lalahok si Miss Czech Republic 2002 Kateřina Průšová, ngunit siya ay napalitan ni Kateřina Smržová dahil sa mahina si Průšová sa pakikipag-usap gamit ang wikang Ingles.^[16][17]

Dapat sanang lalahok si Miss Russia 2002 Svetlana Koroleva sa edisyong ito, ngunit dahil lumahok ito sa Miss Europe 2002 at nanalo,^[18] hindi na maaaring lumahok si Koroleva sa Miss Universe. Isang maliit na pageant ang inorganisa ng Miss Russia Organization upang magkaroon ng kinatawan ang Rusya sa Miss Universe, na siyang pinalanunan ni Yulia Ahonkova. Gayunpaman, dahil hindi pasok sa age requirement si Ahonkova, pinili na lamang ng Miss Russia Organization si Nizhny Novgorod upang lumahok sa edisyong ito, ngunit tinanggihan ng Miss Universe Organization ang paglahok ni Novgorod dahil sa kanyang mga litratong hubad sa Playboy Russia.^[19] Sa huli, iniluklok na lamang ang runner-up ng Miss Russia 2002 na si Oksana Bondarenko upang lumahok sa Miss Universe.

Unang sumali sa edisyong ito ang bansang Serbya at Montenegro, at bumalik ang mga bansang Arhentina, Bagong Silandiya, Barbados, Belis, at Taywan. Huling sumali noong 1999 ang Barbados, noong 2000 ang Belis, at noong 2001 ang Arhentina, Bagong Silandiya, at Taywan.

Hindi sumali sina Bethsaida Smith ng Kapuluang Birheng Britaniko at Kimberly Castro Reyes ng Hilagang Kapuluang Mariana dahil sa pinansiyal na dahilan. Hindi sumali ang mga bansang Gana, Kapuluang Birhen ng Estados Unidos, Kenya, Portugal, Tsile, at Urugway sa edisyong ito matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.

Bumitiw sa kompetisyon si Miss Iceland 2002 Manuela Ósk Harðardóttir dulot ng dehydration sa kasagsagan ng paunang kompetisyon.^[20][21] Hindi sumali sina Donna Tuara ng Kapuluang Cook at Joyce Ramarofahatra ng Madagaskar dahil sa pinansiyal na dahilan. Hindi sumali si Tiziana Mifsud ng Malta dahil natanggalan ng lisensya ang kanilang mga organisasyon upang magpadala ng kandidata sa Miss Universe.^[22][23] Hindi sumali sina Mounia Achlaf ng Alherya at Melanie Putria Dewita Sari ng Indonesya dahil sa hindi isiniwalat na dahilan.^[24][25]

Noong 9 Mayo 2003, inanunsyo ng Miss Venezuela Organization na hindi lalahok si Miss Venezuela 2002 Mariángel Ruiz dahil sa mahigpit na kontrol sa foreign exchange na ipinataw ng noo'y Pangulo ng Beneswela na si Hugo Chávez upang maiwasan ang capital flight.^[26] Ito ang naging dahilan upang hindi makuha ng organisasyon ang kanilang mga pondo sa dolyar upang maipadala si Ruiz sa Panama na siyang humantong sa pagbitiw ni Ruiz.^[27] Ayon sa pangulo ng Miss Venezuela Organization na si Osmel Sousa, USD $80,000 ang franchise fee na kinakailangan upang maipadala si Ruiz sa Panama. Gayunpaman, pinigilan ng negoysanteng Benesolanong si Gustavo Cisneros ang pagbitiw ni Ruiz at pinondohan niya ito papuntang Panama.^[28][29] Ito ay matapos hikayatin ng noo'y-Pangulo ng Panama na si Mireya Moscoso si Cisneros na magkaroon ng kandidata ang Beneswela sa Miss Universe.^[30]

Mula sa sampu ng nakaraang taon, labinlimang semi-finalist ang napili sa pamamagitan ng paunang kompetisyon at ang mga closed-door interview. Lumahok sa evening gown competition ang labinlimang mga semi-finalist, at kalaunan ay pinili ang sampung mga semi-finalist. Lumahok sa swimsuit competition ang sampung mga semi-finalist at kalaunan ay pinili ang limang pinalista. Limang pinalista ang sumabak sa paunang question-and-answer round at final question.^[33]

• Maria Celeste Arraras – Portorikenyang awtor at broadcast journalist para sa Telemundo^[33]
• Deborah Carthy-Deu – Miss Universe 1985 mula sa Porto Riko^[33]
• Roberto Cavalli – Italyanong fashion designer^[33]
• Richard Johnson – Amerikanong mamamahayag para sa The Washington Post^[33]
• Amelia Marshall – Amerikanang aktres^[33]
• Audrey Quock – Amerikanang modelo at aktres^[33]
• Peter Reckell – Amerikanong aktor^[33]
• Mathew St. Patrick – Amerikanong aktor^[33]
• Fernanda Tavares – Brasilenyang supermodel^[33]

Pitumpu't-isang kandidata ang kumalahok para sa titulo.^[34]

Bansa/Teritoryo	Kandidata	Edad[a]	Bayan
Alemanya	Alexsandra Vodjanikova[35]	19	Munich
Albanya	Denisa Kola[34]	20	Peshkopi
Anggola	Ana Sebastião[36]	19	Luanda
Antigua at Barbuda	Kai Davis[37]	23	Saint John's
Arhentina	Laura Romero[38]	22	La Plata
Aruba	Malayka Rasmijn[34]	26	Paradera
Australya	Ashlea Talbot[39]	19	Sydney
Bagong Silandiya	Sharee Adams[40]	23	Auckland
Bahamas	Nadia Johnson[34]	21	Eleuthera
Barbados	Nadia Forte[34]	20	Bridgetown
Belhika	Julie Taton[41]	19	Jambes
Belis	Becky Bernard[34]	21	Belize City
Beneswela	Mariángel Ruiz[42]	23	Maracay
Brasil	Gislaine Ferreira[43]	19	Belo Horizonte
Bulgarya	Elena Tihomirova[44]	22	Panagyurishte
Bulibya	Irene Aguilera[45]	24	Santa Cruz de la Sierra
Curaçao	Vanessa van Arendonk[34]	22	Willemstad
Ehipto	Nour El-Semary[46]	22	Cairo
Ekwador	Andrea Jácome[47]	23	Guayaquil
El Salvador	Diana Valdivieso[48]	20	Ahuachapán
Eslobakya	Petra Mokrošová[49]	20	Michalovce
Eslobenya	Polona Baš[50]	21	Maribor
Espanya	Eva González[51]	22	Sevilla
Estados Unidos	Susie Castillo[52]	23	Lawrence
Estonya	Katrin Susi[53]	23	Tallin
Gresya	Marietta Chrousala[54]	20	Atenas
Guwatemala	Florecita Cobian[55]	19	Antigua
Guyana	Leanna Damond[56]	25	New Amsterdam
Hamayka	Michelle Lecky[57]	25	Kingston
Hapon	Miyako Miyazaki[58]	25	Kumamoto
Indiya	Nikita Anand[59]	19	New Delhi
Irlanda	Lesley Flood[60]	21	Limerick
Israel	Sivan Klein[61]	19	Herusalem
Italya	Silvia Ceccon[62]	20	Vicenza
Kanada	Leanne Marie Cecile[63]	26	Tecumseh
Kapuluang Kayman	Nichelle Welcome[64]	23	Bodden Town
Kolombya	Diana Mantilla[65]	21	Bucaramanga
Kosta Rika	Andrea Ovares[66]	22	San José
Kroasya	Ivana Delic[67]	23	Rijeka
Malaysia	Elaine Daly[68]	26	Kuala Lumpur
Mawrisyo	Marie-Aimée Bergicourt[69]	24	Terre Rouge
Mehiko	Marisol González[70]	20	Torreón
Namibya	Ndapewa Alfons[71]	24	Windhoek
Niherya	Ohumotu Bissong[72]	19	Yala
Nikaragwa	Claudia Salmeron[73]	25	Managua
Noruwega	Hanne-Karine Sørby[74]	24	Oslo
Olanda	Tessa Brix[34]	22	Oud-Beijerland
Panama	Stefanie de Roux[75]	20	Lungsod ng Panama
Peru	Claudia Ortiz de Zevallos[76]	21	Arequipa
Pilipinas	Carla Gay Balingit[77]	19	Angeles
Pinlandiya	Anna Maria Strömberg[78]	20	Kristinestad
Polonya	Iwona Makuch[15]	21	Kielce
Porto Riko	Carla Tricoli[79]	21	Vieques
Pransiya	Emmanuelle Chossat[80]	23	Paris
Republikang Dominikano	Amelia Vega[81]	18	Santiago
Republikang Tseko	Kateřina Smržová[82]	22	Praga
Rusya	Olesya Bondarenko[83]	24	Khabarovsk
Serbiya at Montenegro	Sanja Papić[84]	19	Novi Sad
Singapura	Bernice Wong[85]	25	Singapura
Suwesya	Helena Stenbäck[86]	23	Piteå
Suwisa	Nadine Vinzens[87]	19	Chur
Taylandiya	Yaowalak Traisurat[88]	19	Nakhon Si Thammarat
Taywan	Szu-Yu Chen[89]	25	Taipei
Timog Aprika	Cindy Nell[90]	21	Johannesburg
Timog Korea	Keum Na-na[91]	19	Daegu
Trinidad at Tobago	Faye Alibocus[92]	23	San Fernando
Tsina	Wu Wei[93]	23	Fuzhou
Tsipre	Ivi Lazarou[34]	20	Limassol
Turkiya	Özge Ulusoy[94]	20	Istanbul
Ukranya	Lilja Kopytova[34]	18	Dnipro
Unggarya	Viktoria Tomozi[34]	20	Budapest

• Opisyal na website

Kamalian ng Lua na sa Module:Navbox na nasa linyang 885: table index is nil.