Arashi

Nangangailangan ang artikulo o seksiyon na ito ng pagwawasto sa balarila, estilo, pagkakaisa, tono o baybay. Maaari kang makatulong sa pamamagitan ng pagbabago nito ngayon. (Agosto 2009)

Arashi 嵐
Kabatiran
Pinagmulan	Tokyo, Hapon
Genre	J-Pop (Hapon na Pop), R&B, Hip-Pop, Bubblegum Pop
Taong aktibo	1999 - Kasalukuyan
Label	Pony Canyon (1999-2002) J Storm (2002-Kasalukuyan)
Miyembro	Satoshi Ohno, Sho Sakurai, Masaki Aiba, Kazunari Ninomiya, Jun Matsumoto
Website	Opisyal na Pahina sa J Storm

Ang Arashi (嵐, Bagyo) ay grupo ng mang-aawit na binubuo ng limang lalaki mula sa bansang Hapon. Sinimulan noong 15 Setyembre 1999 ng companyang Johnny & Associates (Johnny's), sila ay unang nailagda sa Pony Canyon records hanggang 2002, bago inilipat sa J-Storm records (na pag-aari ng Johhny's), na ngayon ay gumagawa at nag-po-produce ng kanilang mga awit at album.

Maraming uri ng musika ang inaawit ng grupo, katulad ng R&B, hip hop at iba't-ibang uri ng pop. Maliban sa pagiging sikat na idols sa bansang Hapon, kilala rin ang Arashi sa ibang bansa sa Asya at sa mga taga-tangkilik ng j-pop sa buong mundo. Ipinakilala ang grupo ng Johnny's noong 15 Setyembre 1999 sa isang pulong pambalitaan sa isang barko sa karagatan ng Honolulu, Hawaii. Ang kanilang unang awit, "A・RA・SHI", ang naging temang awit para sa World Cup ng Volleyball na ginanap sa Hapon noong 1999.^[1]

Pagsapit ng 2006, ang kanilang mga album at mga kanta ay inilalabas na labas ng bansang Hapon. Ang kanilang ika-6 na album, Arashic, ay inilabas rin sa Hong Kong, Timog Korea, Taiwan at Thailand. Bilang pasasalamat sa kanilang mga taga-tangkilik sa ibang bansa, inilunsad ang isang araw na Jet Storm Tour, na lumibot sa Taiwan, Thailand at Timog Korea, na mga bansang naging bahagi ng kanilang unang mga konserto sa labas ng Hapon (Hindi itinuloy ang konserto na gaganapin sana sa Thailand dahil sa isang kudeta doon).

Ang konserto sa Korea ay pinagpasiyahan dahil sa humigit-kumulang na 1,500 mga taga-hanga na sumalubong sa grupo sa Paliparan ng Incheon para sa isang pulong pambalitaan.^[2] Ang konserto, na ginanap noong 12 Nobyembre 2006, ang kauna-unahang konserto ng isang grupo ng Johnny's sa Timog Korea.^[3][4] Ang mga tiket para sa konserto ay naubos matapos ang isang oras, matapos mag-unahan ang humigit sa 150,000 na tao na bumili ng tiket sa internet.^[5] Maliban sa kanilang konserto, kinatawan nila ang bansang Hapon sa 2006 Asia Song Festival na ginanap rin sa Timog Korea.^[2]

Ang kanilang unang kanta ng 2007, ang "Love so sweet", ay inilabas noong 21 Pebrero 2007. Ang awit ay ginamit nilang tema sa palabas na Hana Yori Dango 2 Returns, na isa sa pinaka-pinanood na palabas sa telebisyon sa Hapon noong 2007. Umabot ang kantang ito sa unang lugar sa Talaan ng Oricon, at nagtala ng higit sa 200,000 kopyang naibenta matapos ang isang linggo. Ang sumunod nilang kantang "We Can Make It!" na inilabas noong Mayo, ay umabot rin sa unang lugar sa Oricon. Matapos ang kanilang matagumpay na konserto sa iba't ibang bansa sa Asya, inilunsad ang isa sa kanilang pinala-malaking konserto, na pinamagatang Arashi Around Asia in Dome. Sa dami ng mga taong nais makanood ng konserto, ginananap ito sa dalawang malalaking simboryo sa Osaka at Tokyo, na may kakayahang mag-laman ng 100,000 katao bawat isa.^[1] Ang kanilang ika-9 na album, ang Time, na inilabas noong Hulyo, ay naka-abot hindi lamang sa unang pwesto sa Oricon sa Hapon, kundi pati sa pandaigdigan na talaan sa ikalawang pwesto. Noong Hulyo rin ipinalabas nang Tokyo Broadcasting System (TBS) ang palabas na Yamada Taro Monogatari na kinabilangan nina Kazunari Ninomiya at Sho Sakurai. Ang temang awit para rito na pinamagatang "Happiness" ay inawit rin ng grupo at umabot sa rin unang pwesto sa Oricon. Sa kabuuan, naging matagumpay ang taong 2007 para sa grupo; ang lahat ng kanilang mga inilabas na kanta ay umabot sa taunang Top 30 ng Oricon, kabilang na ang "Love so sweet" na umabot pa sa ika-4 sa pinaka-mabentang nag-iisa ng buong taon.

Dala ng tagumpay nila noong nakalipas na taon, dalawang malaking pagpapahayag ang ginanap noong Pebrero 2008. Ang una ay ang kanilang paglibot sa limang malalaking simburyo sa Tokyo, Nagoya, Osaka, Fukuoka, at Sapporo. Ang paglibot na pinangalanang ARASHI Marks 2008 Dream-A-live ay binubuo ng 10 pangtatanghal mula Mayo 16 sa Osaka hanggang Hulyo 6 sa Sapporo. Dalawang ibang mga grupo pa lamang sa Johnny's ang nagtanghal ng paglilibot sa mga lugar na ito, ang SMAP at KinKi Kids.^[6] Ang ikalawang pagpapahayag ay mula sa TBS, na ipinahayag na ang grupo ay magiging punong abala sa isang variety na palabas sa primetime, na tutukoy sa mga usaping panlipunan at kultural. Ang palabas, na may pamagat na Himitsu no Arashi-chan ("Lihim ni Arashi-chan") ay isasahimpapawid ng ika-10 ng gabi mula Abril 10.^[7] Bilang pagpapakalat ng programa, ang grupo ay lumabas sa Tokyo Friend Park ng TBS noong 31 Marso, na naging pinaka-pinanood na palabas na hindi drama noong gabing iyon, na nagtala ng 19.7% na rating.^[8] Sila ang ika-3 grupong mag-tatanghal sa National Stadium ng Tokyo sa kanilang unang outdoor na konserto sa 5 Setyembre 2008 (Matapos ng SMAP at Dreams Come True) upang simulan ang kanilang pangalawang paglilibot sa Asya, na pumunta sa Seoul, Timog Korea, Taipei sa Taiwan, at sa Shanghai, ang unang konserto ng Johnny's sa Tsina.^[9][10] Noong parehong taon, nakamit ng grupo ang dalawang pinaka-mataas na pwesto ng talaan ng Oricon para sa mga nag-iisang kanta. Ang "truth/Kaze no Mukou e" ang naging pinaka-maraming nabentang kopya ng nag-iisa, na nasundan ng "One Love". Ang Arashi ang ika-lima lamang na mang-aawit na nakagawa ito, na huling nangyari labing-syam na taong nakaraan ng grupong Princess Princess. Samantala, ang kanilang huling kanta ng 2008, ang "Beautiful days" ay nasa ika-10 pwesto at ang "Step and Go" naman ay nasa ika-12.^[11]

Sa ngayon, ang Arashi ay naglabas na ng dalawampu't isang mga awiting inilabas na nag-iisa at walong album.

Ang Arashi ay binunuo nila

• Satoshi Ohno (大野智)
• Sho Sakurai (櫻井翔)
• Masaki Aiba (相葉雅紀)
• Kazunari Ninomiya (二宮和也)
• Jun Matsumoto (松本潤)

Sanggunian ng impormasyon sa Talaan ng Oricon:^[17]

Sanggunian ng impormasyon sa Talaan ng Oricon:^[17]

• Jun Matsumoto sa IMDb