Биннинг, Герд Карл

Биннинг, Герд Карл
олмонӣ: Gerd Binnig
Таърихи таваллуд	20 июл 1947(1947-07-20)[1][2][3] (77 сол)
Зодгоҳ	Франкфурт, Allied-occupied Germany[d][1]
Кишвар	Ҷумҳурии Федеративии Олмон
Фазои илмӣ	физик
Ҷойҳои кор	IBM Донишгоҳи Мюнхен[d]
Алма-матер	Донишгоҳи Мюнхен[d] Донишгоҳи Гётеи Франкфурт[d]
Ҷоизаҳо	медали Эллиот Крессон[d] (1987) IBM Fellow[d] King Faisal International Prize in Science[d] (1984) Gustav Hertz Prize[d] (1983) National Inventors Hall of Fame[d] (1994) Klung Wilhelmy Science Award[d] (1983) Kavli Prize in Nanoscience[d] (2016) Urania Medal[d] (1991) EPS Europhysics Prize[d] (1984)
Парвандаҳо дар Викианбор

Герд Карл Би́нниг (олмонӣ: Gerd Karl Binnig; тав. 20 июли 1947, Франкфурти лаби Майн) — физикдони олмонӣ, дорандаи ҷоизаи Нобел дар бахши физик (1986).

Хатмкардаи мактаби Рудолф Кох дар Оффенбахи лаби Майн (1966) ва Университет ба номи И. В. Ҳёте дар Франкфурт (1978). Пас аз хатми донишгоҳ Биннинг корманди Лабараторияи таҳқиқотии ширкати «Интернэшнл бизнес мэшинз» (IBM) дар шаҳри Сюрих (Швейтсария) шуд. Дар ин ҷо Биннинг ба таҳқиқот оид ба сатҳи филиззот шуғл варзид, чунки то ин вақт таҳлили пурраи сатҳи мавод мавҷуд набуд. Душворӣ дар он буд, ки ҷойгиршавии атомҳо дар сатҳи ҷисми сахт аз ҷойгиршавии атомҳои дохили он ба куллӣ фарқ карда, усулҳои мавҷуда онро пурра таҳқиқ карда наметавонистанд. Аз дигар тараф, аксари таъсири мутақобили ҷисмҳо махсусан дар сатҳи модда мегузарад. Барои таҳқиқи сатҳи мавод Биннинг якҷоя бо Г. Рорер яке аз роҳҳои падидаи квантию механикиро, ки бо номи «падидаи туннелӣ» маълум аст, истифода намуданд. Ин таҳқиқот ба ихтирои асбоби нав – микроскопи сканерии туннелӣ оварда расонд (1981), ки бо ёрии он сатҳи моддаро дар сатҳи атомӣ таҳқиқ кардан мумкин аст.

Биннинг инчунин бо Мукофоти Хюлетт–Паккард (1984), мукофоти илмии байналмилалии шоҳи Арабистони Саудӣ – Файсал ва мукофоти Ҷамъияти физикадонҳои Олмон (1982) сарфароз гардидааст.

• Биннинг Герд Карл / Н. Салимов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.