Çon Endrju Bojl

Çon Endrju Bojl
Çon Endrju Bojl
Ta'rixi tavallud	10 mart 1916
Zodgoh	Worcester Park[d];
Ta'rixi darguzaşt	19 nojabr 1978 (62 sol)
Mahalli darguzaşt	Mancester[d], Mancesteri Buzurg, Britonijoi Kabir;
Kişvar	Britonijoi Kabir;
Fazoi ilmī	şarqşinosī
Çojhoi kor	Donişgohi Mancester; Victoria University of Manchester[d];
Alma-mater	Donişgohi Birmingham;
Rohbari ilmī	Vladimir Minorskij[d]

Çon Endrju Bojl (angl. John Andrew Boyle, 10 mart 1916^[1]^[2], Worcester Park^[d] — 19 nojabr 1978^[1]^[2], Mancester^[d], Mancesteri Buzurg) — şarqşinosi inglis. Professori Donişgohi Mancester (1966).

Zindaginoma

Padaraş kitobfurūşu kitobşinos bud, osori adabiro az zabonhoi lotinī, faronsaviji qadim, isponijoī, portugalī ba anglisī tarçuma mekard. Çon Endrju Bojl tahsili ibtidoiro dar nazdi padaraş oƣoz karda, zabonhoi lotinī va junoniro omūxt. Dar Donişgohi ş. Birmingem jak sol zaboni olmonī, dar Donişgohi Berlin va Donişgohi Gjottingen nazdi ustodoni xud Hans Hajnrix Şeder va Olaf Xinsen, Martin Hartman zabonhoi forsiji qadim, avestoī, pahlavī, arabī, turkī, ta'rixi kişvarhoi Şarq va dinhoro omūxt. Peş az oƣozi Çangi dujumi çahonī ba Anglija bargaşt va dar Donişkadai mutolioti şarqiji Donişgohi London va Donişgohi Mancester (1950-66) kor kard.

Beş az 90 asari Çon Endrju Bojl — kitobho, maqolaho, tarçumahojaş az osori ta'rixiji fors-toçik ba tab' rasidaand. Çon Endrju Bojl mutaxassisi sohai ta'rixi muƣul bud. Dar in bobat kori nisbatan muhimmi ū tarçumai anglisiji «Ta'rixi çahonkuşoj»-i Çuvajnī (1958, dar du çild), tarçumai baxşhoe az «Çome'u-t-tavorix»-i Raşiduddini Fazlulloh (1971), maqolahoi «Dar borai alqobe, ki dar kitobi Çuvajnī ba ba'ze az şohzodagoni muƣul doda şudaast» (1959), «Farmonravoiji muƣul dar Afƣonistonu Hind ba rivojati „Tabaqoti Nosirī“-i Çuzçonī» (1963), «Raşiduddin naxustin ta'rixnigori çahon» (1968) va ƣ. meboşand. Ba qalami Çon Endrju Bojl cun ustodi zaboni forsī va muhaqqiqi adabijoti forsī kitobhovu maqolahoe az qabili «Adabijoti forsiji imrūz» (1957), «Umari Xajjom: axtarşinos, rijozidon va şoir» (1975), «Solşumoriji safarhoi Sa'dī» (1974), tarçumai anglisiji «Ilohinoma»-i Attor (1974), «Masnavihoi mazhabiji Fariduddini Attor» (1979), «Dasturi zaboni forsiji imrūz» (1966) va ƣ. taalluq dorand. 25 maqolai Çon Endrju Bojl dar «Doiratulmaorifi islom», 4 maqola dar «Britonniko» ba tab' rasidaand. Çon Endrju Bojl muharriri çildi pançumi «Ta'rixi Kembriçi Eron» va muallifi jake az maqolahoi on (dar borai Elxonijon) bud.

Ezoh

↑ ^1.0 ^1.1 ^1.2 ^1.3 Bibliothèque nationale de France identifikator BNF (fr.): platformai dodahoi boz — 2011.
↑ ^2.0 ^2.1 ^2.2 ^2.3 AlKindi (onlajn-katalog Dominikanskogo instituta vostokovedenija)

Adabijot

Bojl Çon Endrju / M. Dilovarov // Boz — Vickut. — D. : SIEMT, 2014. — (Ensiklopedijai Milliji Toçik : [taxm. 25 ç.] / sarmuharrir N. Amirşohī ; 2011—2023, ç. 3). — ISBN 978-99947-33-46-0.

[_364bdf727c153cae-1] 1.0 ^1.1 ^1.2 ^1.3 Bibliothèque nationale de France identifikator BNF (fr.): platformai dodahoi boz — 2011.

[_59666f9b9f160284-2] 2.0 ^2.1 ^2.2 ^2.3 AlKindi (onlajn-katalog Dominikanskogo instituta vostokovedenija)

[1]