కర్నాల్ జిల్లా

కర్నాల్ జిల్లా करनाल जिला ਕਰਨਾਲ ਜ਼ਿਲਾ
జిల్లా
హర్యానా పటంలో కర్నాల్ జిల్లా స్థానం
దేశం	భారతదేశం
రాష్ట్రం	హర్యానా
డివిజను	రోహ్‌తక్
ముఖ్య పట్టణం	కర్నాల్
Government
• శాసనసభ నియోజకవర్గాలు	5
విస్తీర్ణం
• మొత్తం	1,967 కి.మీ2 (759 చ. మై)
జనాభా  (2001)
• మొత్తం	12,74,183
• జనసాంద్రత	650/కి.మీ2 (1,700/చ. మై.)
• Urban	26.51%
జనాభా వివరాలు
• అక్షరాస్యత	67.74%
Website	అధికారిక జాలస్థలి

హర్యానా రాష్ట్రం లోని 22 జిల్లాలలో కర్నాల్ జిల్లా (హిందీ: करनाल जिला, పంజాబీ: ਕਰਨਾਲ ਜ਼ਿਲਾ) ఒకటి. కర్నాల్ నగరం ఈ జిల్లాకు కేంద్రం. జిల్లా లోని ఇతర ప్రధాన నగరాలు అస్సంధ్, ఘరౌండా, నిలోఖెరి, ఇంద్రి, జుండ్ల. ఈ జిల్లా రోహ్‌తక్ డివిజనులో భాగంగా ఉంది.

కర్నాల్ జిల్లా ప్రాంతం పంజాబు రాష్ట్ర జిల్లాలలో ఒకటిగా ఉండేది. 1966 నవంబరు 1 న హర్యానా రాష్ట్రం రూపొందించిన సమయంలో ఇది హర్యానా రాష్ట్రంలో జిల్లాగా చేరింది. తరువాత 1973 జనవరి 26 న ఈ జిల్లా లోని కొంత భూభాగాన్ని విడదీసి కురుక్షేత్ర జిల్లాను ఏర్పాటు చేసారు. 1989 నవంబరు 1 ఈ జిల్లా లోని మరో కొంత భూభాగం వేరిచేసి కైతల్ జిల్లాను ఏర్పాటు చేసారు. 1991 జూలై 24 న ఈ జిల్లాలో పానిపట్ కలుపబడి తిరిగి 1992 జనవరి 1 తిరిగి వేరుచేయబడింది.

ఈ ప్రాంతం మహాభారతంతో సంబ్ంధించబడి ఉంది. ఇది కర్ణుడి నివాస స్థానంగా ఉండేదని విశ్వసించబడి ఉంది.

కర్నాల్ జిల్లా యమునానది పశ్చిమతీరంలో ఉంది కనుక యమునానది జిల్లాకు తూర్పు సరిహద్దుగానూ హర్యానా, ఉత్తర ప్రదేశ్ ఉంది. కర్నాల్, పానిపట్ జిల్లాలు 29 09' 50", 29 50' ఉత్తర అక్షాంశం, 76 31' 15", 77 12' 45" తూర్పు రేఖాంశంలో ఉంది. జిల్లా సముద్రమట్టానికి 240మీటర్ల ఎత్తులో ఉంది. జిల్లా వైశాల్యం 1967చ.కి.మీ, 2001 గణాంకాలను అనుసరించి జనసంఖ్య 1,274,183. జిల్లా ఉత్తర వాయవ్య సరిహద్దులో కురుక్షేత్ర జిల్లా, పశ్చిమ సరిహద్దులో జింద్, కైతాల్ జిల్లాలు, దక్షిణ సరిహద్దులో పానిపట్ జిల్లా, తూర్పు సరిహద్దులో ఉత్తర్ ప్రదేశ్ రాష్ట్రం ఉన్నాయి. భౌగోళికంగా జిల్లా గంగా సింధు మైదానంలో భాగంగా ఉంది. అంతేకాక జిల్లాలో పశ్చిమ యమునా కాలువలు ఉన్నాయి. పశ్చిమ కాదర్ నుండి బంగర్ ప్రాంతం ఆరంభం ఔతుంది.

• Karnal district website Archived 2013-12-02 at the Wayback Machine