ᥛᥣᥐᥱ ᥛᥨᥒ
ᥛᥣᥐᥱ ᥛᥨᥒ（ᥟᥤᥒᥰ ᥐᥣ ᥘᥥᥖ: Mango） ᥘᥭᥳ ᥙᥥᥢ ᥛᥣᥐ ᥟᥢ ᥛᥤᥰ ᥟᥣᥭ ᥞᥩᥛᥴ ᥘᥦᥲ ᥙᥥᥢ ᥛᥣᥐᥱ ᥐᥨᥢᥰ ᥖᥤ ᥛᥫᥒᥰ ᥛᥭᥲ ᥓᥥᥐ ᥐᥤᥢ ᥖᥥᥳ ᥖᥥᥳ. ᥒᥝᥲ ᥖᥥᥱ ᥖᥧᥢᥲ ᥛᥣᥐᥱ ᥛᥫᥒᥰ ᥘᥭᥳ ᥙᥥᥢ ᥖᥤ ᥛᥫᥒᥰ ᥟᥣᥱ ᥔᥛᥱ, ᥟᥤᥢᥰ ᥖᥤᥰ ᥕᥣᥰ ᥘᥒᥰ ᥛᥫᥒᥰ ᥛᥣᥢ ᥕᥝᥳ.
_from_India.jpg)
ᥛᥣᥐᥱ ᥛᥨᥒ ᥘᥭᥳ ᥛᥫ ᥚᥩᥒᥰ ᥙᥭᥱ ᥔᥧᥐ ᥐᥩᥲ ᥐᥤᥢ ᥘᥭᥲ, ᥔᥨᥭᥱ ᥔᥧᥐ ᥛᥢᥰ ᥙᥩᥰ ᥐᥤᥢ ᥘᥭᥲ ᥕᥝᥳ. ᥛᥫ ᥙᥭᥱ ᥔᥧᥐ ᥘᥛᥳ, ᥔᥨᥭᥱ ᥛᥢᥰ ᥖᥤᥴ ᥙᥥᥢ ᥝᥭᥳ ᥟᥣ ᥕᥩᥒᥱ ᥔᥥᥝ ᥘᥦᥲ ᥖᥥᥴ ᥔᥨᥛᥲ ᥝᥭᥳ ᥕᥝᥳ. ᥐᥛᥳ ᥘᥛᥴ ᥖᥥᥳ ᥙᥫᥢ ᥔᥣᥲ ᥐᥤᥢ, ᥓᥛᥳ ᥐᥤᥢ ᥕᥝᥳ. ᥙᥩᥰ ᥔᥧᥐ ᥛᥣᥰ ᥒᥛᥳ ᥖᥥᥴ ᥙᥥᥢ ᥟᥣ ᥕᥩᥒ ᥘᥫᥒᥴ ᥘᥦᥲ ᥟ��ᥢ ᥛᥣᥐᥱ ᥝᥣᥢᥴ ᥐᥣᥱ ᥕᥝᥳ.
ᥙᥧᥒᥱ ᥞᥣᥒ ᥖᥨᥢᥲ ᥛᥣᥐᥱ ᥛᥨᥒ
ᥖᥨᥢᥲ ᥛᥣᥐᥱ ᥛᥨᥒ ᥘᥭᥳ ᥖᥣᥒᥰ ᥔᥧᥒᥴ ᥛᥢᥰ ᥛᥤᥰ 115 ᥟᥥᥱ ᥗᥪᥒᥴ 131 ᥙᥥᥱ ᥟᥫ. ᥛᥢᥰ ᥙᥥᥢ ᥖᥨᥢᥲ ᥟᥢ ᥔᥩᥛᥳ ᥘᥤ ᥙᥩᥐ ᥑᥣᥛᥱ ᥘᥭᥲ ᥗᥪᥒᥴ ᥞᥨᥝᥴ ᥙᥤ ᥕᥝᥳ. ᥛᥬ ᥖᥨᥢᥲ ᥛᥣᥐᥱ ᥛᥨᥔ ᥘᥭᥳ, ᥛᥫ ᥖᥥᥱ ᥛᥢᥰ ᥙᥥᥢ ᥟᥣ ᥕᥩᥒᥱ ᥘᥫᥒᥴ ᥔᥦᥛ, ᥑᥪᥢᥰ ᥙᥥᥢ ᥟᥣ ᥕᥩᥒᥱ ᥑᥩᥒᥱ ᥛᥣᥰ ᥐᥛᥰ ᥘᥩᥭᥰ ᥘᥩᥭᥰ ᥘᥦᥲ ᥘᥪᥢᥰ ᥘᥒᥴ ᥛᥣᥰ ᥙᥥᥢ ᥟᥣ ᥕᥩᥒᥱ ᥔᥥᥝᥴ ᥕᥝᥳ. ᥓᥫᥳ ᥚᥢᥰ ᥛᥣᥐᥱ ᥛᥨᥒ ᥛᥤᥰ ᥗᥪᥒᥴ 400 ᥙᥣᥭ ᥕᥝᥳ. ᥐᥛᥳ ᥘᥛᥴ ᥖᥥᥳ ᥛᥣᥐᥱ ᥛᥫ ᥑᥣᥝᥰ ᥛᥭᥲ ᥔᥥᥴ ᥖᥣᥳ ᥛᥣᥒ ᥖᥨᥢᥳ, ᥛᥣᥒ ᥓᥫᥳ ᥔᥛᥳ ᥛᥣᥐᥱ ᥘᥪᥒ ᥙᥤ 2 ᥙᥩᥐ ᥕᥝᥳ.