நைட்ரோசில் சயனைடு

நைட்ரோசில் சயனைடு

பெயர்கள்
விருப்பத்தெரிவு ஐயூபிஏசி பெயர் நைட்ரசு சயனைடு
இனங்காட்டிகள்
சிஏஎசு எண்	4343-68-4
ChemSpider	109829
InChI InChI=1S/CN2O/c2-1-3-4 Key: CAMRHYBKQTWSCM-UHFFFAOYSA-N
யேமல் -3D படிமங்கள்	Image
பப்கெம்	123214
SMILES C(#N)N=O
பண்புகள்
மூலக்கூறு வாய்பாடு	CN2O
வாய்ப்பாட்டு எடை	56.02 g·mol−1
தோற்றம்	நீலப்பச்சை வாயு
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

நைட்ரோசில் சயனைடு (Nitrosyl cyanide) CN₂O என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். நீலம் மற்றும் பச்சை நிறங்களுக்கு இடைப்பட்ட ஒரு நிறத்தில் வாயு நிலையில் இது காணப்படுகிறது, ^[1] வினையூக்கியான குளுக்கோசு ஆக்சிடேசு என்ற நொதியின் முன்னிலையில் சயனமைடை ஆக்சிசனேற்றம் செய்து தேவைப்படும்போது நைட்ரோசில் சயனைடு தயாரிக்கப்படுகிறது, ^[2]

நைட்ரோசில் சயனைடு சமதளக் கட்டமைப்பில் உள்ளது. நைட்ரோசில் குளோரைடின் கட்டமைப்பிற்கு ஒப்பானதாகவும் உட்புற நைட்ரசனில் வலுவாக வளைந்தும் காணப்படுகிறது. C-N-O அமைப்பின் பிணைப்புக் கோணம் 113° ஆகும். NCN அமைப்பின் பிணைப்புக் கோணம் 170°.^[1] குறைந்த வெப்பநிலையில் நைட்ரோசில் குளோரைடுடன் வெள்ளி சயனைடைச் சேர்த்து வினைப்படுத்தினால் இச்சேர்மத்தை உருவாக்க முடியும். பொதுவாக இச்சேர்மம் தனிமைப்படுத்தப்படுவதில்லை, ஆனால் டையீல்சு -ஆல்டர் வினைகளில் பியூட்டாடையீன் உடன் கிடைக்கிறது. N=O பிணைப்பு முழுவதும் வளையக்கூட்டு வினைகள் நிகழ்கின்றன. 9,10-இருமெத்தில் ஆந்திரசீன் உடன் மீளக்கூடிய ஒரு கூட்டுவிளைபொருளை இது உருவாக்குகிறது.

நிறமற்ற வாயுவான நைட்ரைல் சயனைடு, நைட்ரோசில் சயனைடுடன் தொடர்பு கொண்ட சேர்மமாகும். இதனுடைய கொதிநிலை 7 பாகை செல்சியசு வெப்பநிலையாகும். ^[3]