கோடங்கி

கோடங்கி (Kodangi) என்பது ஒரு தாள தோற் இசைக்கருவியாகும். இது தமிழர் நாட்டுப்புற இசையிலும், சமயர் சார்ந்த நிகழ்சிகளிலும் பயன்படுத்தப்படுகின்றது. இந்த கோடங்கி இசைக்கருவியை அடித்தபடி பாடுவதே கோடங்கிப் பாட்டு. இது பேச்ச மொழியில் கோடாங்கிப் பாட்டு என்று அழைக்கப்படுகிறது. இதை இசைப்பவரும் கோடாங்கி என்றே அழைக்கப்படுகிறார்.^[1]

கோடங்கியை இசைத்தபடி குறிசோல்லுதல், நோய் தீர்த்தல்,^[2] பேய் ஓட்டுதல் போன்றவை செய்யப்படுகின்றன. கோடங்கியை அடித்தபடி அருள் சோல்லும் கோடங்கியின் உடலில் தெய்வம் இறங்கி அவர் வழியாக அருள் வாக்கு சொல்வதாக நம்பிக்கை உள்ளது.^[1]

கோடங்கியானது இடையில் சிறுத்து இருபுறமும் வட்ட வடிவில் இருக்கும். இது வேங்கை, பலா போன்ற மரங்களாலும், வெண்கலத்தாலும் செய்யப்படுகின்றது. இரு பக்கங்களும் மாட்டுத் தோலால் இறுக்கித் தைக்கப்டுகின்றன. இது இருக்கமாக இருந்தால்தான் ஓசையும் பலமாக எழும். கோடங்கியை இடது கையால் ஏந்திப் பிடித்து, வலக்கை விரல்களால் இசைக்கப்படுகிறது.^[1]

இரவில் வீட்டு வாசலுக்கு வந்து குறி சொல்லும் குடுகுடுப்பைக்காரர்கள் கோடாங்கிகலில் ஒரு பிரிவாக சொல்லப்படுகிறது.^[1] இந்த சாமக் கோடாங்கிகள் கையில் உள்ள குடுகுடுப்பை கருவி சிறியதாகவும் ஒற்றைக் கையில் ஆட்டி இசைப்பதாவும் இருக்கும்.