அக்டோபர் 2015

இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. நடுநிலையான மேற்கோள்கள் அல்லது உசாத்துணைகளைக் கொடுத்து இந்தக் கட்டுரையை மேம்படுத்த நீங்களும் உதவலாம். உசாத்துணைகள் இல்லாத கட்டுரைகள் விக்கிப்பீடியாவிலிருந்து நீக்கப்படலாம்.

அக்டோபர் 2015 (October 2015), 2015 ஆம் ஆண்டின் பத்தாவது மாதமாகும்.

• அக்டோபர் 3 - திருநாளைப் போவார் நாயனார் குருபூசை
• அக்டோபர் 10 - அருணந்தி சிவாச்சாரியார் குருபூசை
• அக்டோபர் 13 - நவராத்திரி ஆரம்பம்

• அக்டோபர் 31:
  • வங்காளதேசத்தில் சமயசார்பின்மையினருக்கு எதிரான தாக்குதல்கள்: படுகொலை செய்யப்பட்ட எழுத்தாளர் அவிஜித் ராய் எழுதிய நூல்களை வெளியிட்ட இரண்டு பதிப்பாளர்கள் கடுமையாகத் தாக்கப்பட்டார்கள். ஒருவர் படுகொலை செய்யப்பட்டார். (டெய்லி ஸ்டார்)(கார்டியன்)
  • பிலிப்பீன்சில் சந்தை ஒன்றில் இடம்பெற்ற தீ விபத்தில் 15 பேர் உயிரிழந்தனர். (சீஎனென்)
  • மெட்ரோஜெட் விமானம் 9268: உருசிய ஏர்பஸ் ஏ-321 விமானம் எகிப்தில் சினாய் பகுதியில் விபத்துக்குள்ளானதில் பயணம் செய்த அனைத்து 224 பேரும் உயிரிழந்தனர். (நியூஸ் அப்), (பிபிசி),
  • 2015 டிபி145 என்ற விண்கல் ஒன்று புவிக்குக் கிட்டவாகக் கடந்து சென்றது. (டைம்)
  • நியூசிலாந்து அணி ஆத்திரேலிய அணியை 34–17 என்ற கணக்கில் வென்று 2015 ரக்பி உலகக்கிண்ணத்தைப் பெற்றுக் கொண்டது. (பிபிசி)
• அக்டோபர் 22:
  • ஆந்திரப்பிரதேச புதிய தலைநகராக அமராவதி கட்டுமானப் பணிகளுக்கு பிரதமர் நரேந்திர மோடி அடிக்கல் நாட்டினார். (டைஆஇ)
• அக்டோபர் 21:
  • சிரிய உள்நாட்டுப் போர்: அக்டோபர் 20 அன்று சிரியாவின் அரசுத்தலைவர் பசார் அல்-அசத், உருசியாவின் அரசுத்தலைவர் விளாதிமிர் பூட்டினை மாஸ்கோவில் சந்தித்துப் பேசினார். இந்த விவரம் இன்று வெளியிடப்பட்டது.(பிபிசி)
• அக்டோபர் 20:
  • ஐரோப்பியப் புலம்பெயர்வோர் நெருக்கடி:
    • 2015ஆம் ஆண்டில் கிரீசை வந்தடைந்த புலம்பெயர்வோர் எண்ணிக்கை ஐந்து இலட்சத்தை எட்டியதாக ஐக்கிய நாடுகள் அவை தெரிவித்தது.(பிபிசி)
    • புலம்பெயர்வோர் எண்ணிக்கையைக் கட்டுப்படுத்தாமல், அவர்களை சுலோவேனியாவுக்கு குரோவாசியா அனுப்பிவருவதாக சுலோவேனியா குற்றஞ்சாட்டியது.(தி இந்து)
• அக்டோபர் 19:
  • ஐரோப்பியப் புலம்பெயர்வோர் நெருக்கடி: செர்பியாவுடனான தனது எல்லையை குரோவாசியா திறந்தது.(பிபிசி)

• அக்டோபர் 18:
  • சிரிய உள்நாட்டுப் போர்: சிரியாவின் ஓம்சு நகரில் உருசிய வான்தாக்குதலில் ஒரே குடும்பத்தைச் சேர்ந்த பலர் கொல்லப்பட்டனர். (அல்ஜசீரா)
  • பிரான்சின் திருச்சபையின் மறைவல்லுநர் லிசியே நகரின் தெரேசாவின் பெற்றோர்கள் லூயிசு மார்ட்டின், மரீ-அசேலி மார்ட்டின் ஆகியோர் திருத்தந்தை பிரான்சிசுவினால் புனிதர்களாகத் திருநிலைப்படுத்தப்பட்டனர். (வத்திக்கான்)
• அக்டோபர் 17:
  • சிரிய உள்நாட்டுப் போர்: அல் காயிதாவின் உயர் இராணுவத் தலைவர் சிரியாவில் நடைபெற்ற வான்தாக்குதலில் கொல்லப்பட்டார். (யூஎஸ்ஏ டுடே)
  • சவூதி அரேபியாவில் இசுலாமிய அரசுப் போராளிகள் சியா மண்டபம் ஒன்றைல் நடத்திய தாக்குதலில் ஐவர் கொல்லப்பட்டனர். (ராய்ட்டர்சு)
• அக்டோபர் 16:
  • கூகிள் நூலகத் திட்டம் பதிப்புரிமை சட்டத்தின் கீழ் சட்டபூவர்வமானது என அமெரிக்க மேன்முறையீட்டு நீதிமன்றம் தீர்ப்பளித்தது. (யூஎஸ்ஏ டுடே)
• அக்டோபர் 15:
  • ஆப்கானித்தானில் 5,500 அமெரிகப் படையினர் நிலை கொண்டிருப்பர் என அமெரிகத் தலைவர் பராக் ஒபாமா அறிவித்தார். (ஆர்டி)
  • பர்மிய அரசு எட்டு ஆயுதக் குழுக்களுடன் அமைதி ஒப்பந்தத்தில் கையெழுத்திட்டது. (ஏபி)
  • நைஜீரியாவின் மைதுகிரி நகரில் பள்ளிவாசல் ஒன்றின் அருகில் இடம்பெற்ற இரண்டு குண்டுத் தாக்குதல்களில் 26 பேர் உயிரிழந்தனர். (வாசிங்டன் போஸ்ட்)
  • இசுரேல்-பாலத்தீனப் பிணக்கு: இசுரேலியர் ஒருவர் வேறொரு இசுரேலிய யூதரை தவறுதலாக அராபியர் எனக் கருதி கத்தியால் குத்தினார். (நியூயோர்க் டைம்சு)
  • எகிப்து, செனிகல், உருகுவை, ஜப்பான், உக்ரைன் ஆகிய நாடுகள் ஐக்கிய நாடுகள் பாதுகாப்பு அவைக்கு 1016-17 ஆம் ஆண்டுக்கான நிரந்தரமல்லாத உறுப்பு நாடுகளாக சாட், சிலி, ஜோர்தான், லித்துவேனியா, நைஜீரியா ஆகியவைகளுக்குப் பதிலாக சேர்த்துக் கொள்ளப்பட்டன. (New York Times)
• அக்டோபர் 14:
  • இலங்கையில் 2005 இல் தமிழ்த் தேசியக் கூட்டமைப்பு நாடாளுமன்ற உறுப்பினர் ஜோசப் ப���ராஜசிங்கத்தை கொலை செய்ததாக குற்றம் சாட்டப்பட்ட கிழக்கு மாகாண சபையின் முன்னாள் முதலமைச்சர் பிள்ளையான் நவம்பர் 4 வரை விளக்கமறியலில் வைக்கப்பட்டார். (ஐலண்டு)
  • இலங்கையில் சிறை வைக்கப்பட்டுள்ள தமிழ் அரசியல் கைதிகளை விடுவிக்கக்கோரி கொழும்பில் ஆர்ப்பாட்டப் பேரணி இடம்பெற்றது. (ஐலண்டு)
• அக்டோபர் 13:
  • 2014 சூலை 17 இல் ஆம்ஸ்டர்டாமில் இருந்து கோலாலம்பூர் வந்த மலேசியா எயர்லைன்சு விமானம் 17 [[சோவியத் ஒன்றியம்|உருசியத் தயாரிப்பான பூக் ஏவுகணையாலேயே தாக்கப்பட்டதாக டச்சு அதிகாரிகள் அறிக்கை வெளியிட்டுள்ளனர். இவ்விபத்தில் 298 பேர் உயிரிழந்தனர். (Sky News) (பிபிசி)
  • இந்தோனேசியாவில் ஆச்சே மாகாணத்தில் கிறித்தவக் கோவில் ஒன்று தாக்கப்பட்டதில் ஒருவர் உயிரிழந்தார். (சேனல் நியூஸ்)
• அக்டோபர் 12:
  • சிரிய உள்நாட்டுப் போர்: சிரியாவில் அரசுக்கு எதிராகப் போரிடும் குருதியக் குழுக்கள் மற்றும் போராளிகளுக்கு அமெரிக்கா வானில் இருந்து ஆயுதங்களையும், மற்றும் உதவிப் பொருட்களையும் வீசியது. (Reuters)
  • அமெரிக்காவின் ஆங்கசு டீட்டன் 2015 ஆம் ஆண்டுக்கான பொருளியலுக்கான நோபல் நினைவுப் பரிசைப் பெற்றார். (வாசிங்டன் போஸ்ட்)
• அக்டோபர் 11:
  • இசுரேல்-பாலத்தீனப் பிணக்கு: இசுரேல் காசாக்கரையில் நடத்திய வான்தாக்குதலில் 30-வயதுக் கர்ப்பிணிப் பெண்ணும் அவரது 2 வயது மகளும் கொல்லப்பட்டனர். நால்வர் காயமடைந்தனர். (ராய்ட்டர்சு)
  • கமரூனின் தூர வடக்குப் பகுதியில் இடம்பெற்ற தற்கொலைத் தாக்குதலில் குறைந்தது 8 பேர் கொல்லப்பட்டனர். (பினெசு ஸ்டான்டர்டு)
  • யெமனின் சிறைச்சாலை ஒன்றின் மீது சவூதிப் படையினர் வான்தாக்குதல் நடத்தியதில் 20 சிறைக்கைதிகள் கொல்லப்பட்டனர். (யாகூ)
  • பெலருசில் இடம்பெற்ற அரசுத்தலைவர் தேர்தலில் அலெக்சாண்டர் லுகசெங்கோ பெரும் வெற்றி பெற்று ஐந்தாவது தடவையாக அரசுத்தலைவராகத் தேர்ந்தெடுக்கப்பட்டார். (ராய்ட்டர்சு)
• அக்டோபர் 10:
  • துருக்கியின் தலைநகர் அங்காராவில் முக்கிய தொடருந்து நிலையம் அருகே இடம்பெற்ற அமைதிப் பேரணியின் போது இரண்டு குண்டுகள் வெடித்ததில் குறைந்தது 97 பேர் உயிரிழந்தனர், 400 பேர் வரை காயமடைந்தனர். (பிபிசி), (சீஎனென்)
  • சாட்டில் போகோ அராம் போராளிகளிடம் இருந்து தப்பி இடம்பெயர்ந்த அகதிகள் வாழ்ந்து வந்த கிராமம் ஒன்றில் இடம்பெற்ற ஐந்து தற்கொலைத் தாக்குதல்களில் 36 பேர் கொல்லப்பட்டனர். (ஏபி)
  • ஓக்லகோமாவின் கசிங் நகரில் இரண்டு நிலநடுக்கங்கள் ஏற்பட்டன. (ராய்ட்டர்சு)
• அக்டோபர் 9:
  • 2015 ஆம் ஆண்டுக்கான அமைதிக்கான நோபல் பரிசு துனீசியாவைச் சேர்ந்த துனீசிய தேசியக் கலந்துரையாடல் நாற்கூட்டு அமைப்பிற்கு அறிவிக்கப்பட்டது.(பிபிசி)
• அக்டோபர் 8
  • 2015 இலக்கியத்துக்கான நோபல் பரிசை பெலருசிய எழுத்தாளர் சிவெத்லானா அலெக்சியெவிச் பெற்றார்.(பிபிசி தமிழோசை)
• அக்டோபர் 7:
  • 2015 ஆம் ஆண்டுக்கான வேதியியலுக்கான நோபல் பரிசு சுவீடனின் தோமசு லின்டால், அமெரிக்காவின் பவுல் மோட்ரிச், துருக்கியின் அசீசு சாஞ்சார் ஆகியோருக்கு அறிவிக்கப்பட்டது. (பிபிசி)
  • இலங்கையின் கிளிநொச்சி மாவட்டத்தில் இரண்டு தமிழ்ப் பெண்கள் மீது 4 இராணுவ வீரர்கள் மேற்கொண்ட கூட்டுப்பாலியல் வல்லுறவு தொடர்பான வழக்கில், அந்த நால்வருக்கும் 30 ஆண்டு கால சிறைத்தண்டனை விதிக்கப்பட்டுள்ளது.(பிபிசி தமிழோசை)
  • ஐரோப்பியப் புலம்பெயர்வோர் நெருக்கடி: புலம்பெயர்வோரை கடத்தல் முறையில் கொண்டுவரும் படகுகளை வழிமறித்து, விசாரணை செய்யும் கண்காணிப்புச் செயல்பாட்டினை ஐரோப்பிய ஒன்றியம் ஆரம்பித்தது. (பிபிசி)
• அக்டோபர் 6:
  • இயெமனின் துணை அரசுத்தலைவரும், பிரதமரும் தங்கியிருந்த விடுதி மீது இசுலாமிய அரசுப் போராளிகள் நடத்திய குண்டுத் தாக்குதல்களில் குறைந்தது 15 கூட்டுப் படையினர் கொல்லப்பட்டனர். (சீஎனென்)
  • உருசிய வான்படையினர் சிரியாவின் பல்மைரா நகரில் உள்ள இசுலாமிய அரசுத் தளங்கள் மீது தாக்குதல் நடத்தின.(Reuters)
  • 2015 ஆம் ஆண்டுக்கான இயற்பியலுக்கான நோபல் பரிசு சப்பானின் தக்காக்கி கஜித்தா, கனடாவின் ஆர்தர் பி. மெக்டொனால்ட் ஆகியோருக்கு அறிவிக்கப்பட்டது. (பிபிசி)
• அக்டோபர் 5:
  • ஈராக்கின் பல பகுதிகளில் இடம்பெற்ற வாகனக்குண்டு வெடிப்புகளில் குறைந்தது 57 பேர் கொல்லப்பட்டனர். (ராய்ட்டர்சு)
  • 2015 ஆம் ஆண்டில் உலக மக்கள்தொகையில் 9.6% மக்கள் வறுமைக்கோட்டின் கீழ் வாழ்வதாக உலக வங்கி அறிவித்துள்ளது. 2012 இல் இம்மதிப்பீடு 12.8% ஆக இருந்தது. (Time) (கார்டியன்)
  • ஆத்திரேலியாவுக்குப் புகலிடம் தேடி வருவோர் தடுத்து வைக்கப்பட்டிருந்த நவூரு தடுப்பு முகாம் "திறந்து" விடப்படவுள்ளதாக நவூரு அரசு அறிவித்தது. (ஏபிசி)
  • கலிபோர்னியாவில் 2016 இறுதியில் வதையா இறப்பு சட்டபூர்வமாக அனுமதிக்கப்படவுள்ளது. (சீஎனென்)
  • 2015 ஆம் ஆண்டுக்கான மருத்துவம் அல்லது உடலியங்கியலுக்கான நோபல் பரிசு அமெரிக்க ஐரியரான வில்லியம் சி. கேம்பல், சப்பானின் சத்தோசி ஓமுரா, சீனாவின் தூ யூயூ ஆகியோருக்கு அறிவிக்கப்பட்டது. (பிபிசி)
• அக்டோபர் 4:
  • துருக்கியின் வான்படைகள் வடக்கு ஈராக்கில் குர்திசுத்தான் தொழிலாளர் கட்சி நிலைகள் மீது வான் தாக்குதல்களை மேற்கொண்டது. (ஏஎஃப்பி)
  • பிரான்சின் தென்கிழக்கே பிரெஞ்சு ரிவேரியாவில் பெரு வெள்ளம் காரணமாக குறைந்தது 16 பேர் உயிரிழந்தனர். 35,000 வீடுகள் சேதமடைந்தன. (ஏஎஃப்பி)
• அக்டோபர் 3:
  • ஆப்கானித்தான், குண்டூசு நகரில் எல்லைகளற்ற மருத்துவர்களின் கட்டுப்பாட்டில் உள்ள மருத்துவமனை ஒன்றின் மீது அமெரிக்கா வான்தாக்குதல்களை நடத்தியதில் 12 ஊழியர்கள், 10 நோயாளிகள் கொல்லப்பட்டனர். 37 பேர் காயமடைந்தனர். (எம்எஸ்எஃப்) (வாசிங்டன் போஸ்ட்) (ராய்ட்டர்சு)
  • வங்காளதேசத்தில் 65-வயது சப்பானிர் ஒருவர் கொல்லப்பட்டமைக்கு இசுலாமிய அரசு பொறுப்பேற்றது. (அல் அராபியா)
  • 2015 ரக்பி உலகக்கிண்ணம்: இங்கிலாந்து அணி குழுநிலை ஆட்டத்தில் ஆத்திரேலியாவிடம் தோற்றதை அடுத்து, போட்டியில் இருந்து விலகியது. (பிபிசி)
• அக்டோபர் 2:
  • சிரிய உள்நாட்டுப் போர்: உருசிய போர் விமானங்கள் சிரியாவில் இசுலாமிய அரசுப் போராளிகளின் தளங்கள் மீது மூன்றாவது நளாகத் தாகுதல் நடத்தியதாக உருசியா அறிவித்தது. (டெய்லிமெயில்)
  • சிட்னியின் பரமட்டா என்ற புறநகரில் காவல்துறை தலைமையகத்தின் முன்னால் 15-வயது சிறுவன் ஒருவன் துப்பாக்கியால் சுட்டதில் காவல்துறை ஊழியர் ஒருவர் உயிரிழந்தார். சிறுவன் பின்னர் காவல்துறையினரின் துப்பாக்கிச் சூட்டில் கொல்லப்பட்டான். இது ஒரு தீவிரவாதத் தாக்குதல் என காவல்துறை கூறியுள்ளது. (டெய்லிடெலிகிராப்)
• அக்டோபர் 1:
  • ஆப்கானித்தான் அரசப் படையினர் குண்டூசு நகரை தாலிபான்களிடம் இருந்து மீளக் கைப்பற்றி விட்டதாக அரசு அறிவித்தது. (ஏபிசி)
  • ஆப்கானித்தானில் சி-130ஜே ரக சரக்கு வானூர்தி ஒன்று ஜலாலாபாது அருகே வீழ்ந்ததில் 11 பேர் உயிரிழந்தனர். (அல்ஜசீரா)
  • சிரிய உள்நாட்டுப் போர்: உருசியாவின் வான் தாக்குதலில் அமெரிக்க சார்பு சிரியப் போராளிகள் கொல்லப்பட்டதாக அமெரிக்கா கூறியது. (டெலிகிராப்)
  • அமெரிக்காவின் ஓரிகன் மாநிலத்தில் ரோசபர்க் நகரில் சமூகப் பாடசாலை ஒன்றில் இடம்பெற்ற துப்பாக்கிச் சூட்டில் 9 பேர் கொல்லப்பட்டனர். (ராய்ட்டர்சு)

• அக்டோபர் 3 - ஏ. ஆர். எம். அப்துல் காதர், இலங்கை அரசியல்வாதி (பி. 1936)
• அக்டோபர் 5 - திருமாவளவன், ஈழத்துக் கவிஞர் (பி. 1955)
• அக்டோபர் 7 - ஹசன் ஜமீல், பாக்கித்தானியத் துடுப்பாட்ட வீரர் (பி. 1952)
• அக்டோபர் 9 - என். ரமணி, புல்லாங்குழல் கலைஞர் (பி. 1934)
• அக்டோபர் 9 - ப. ஆப்டீன், ஈழத்து எழுத்தாளர் (பி. 1937)
• அக்டோபர் 10 - மனோரமா, தமிழ்த் திரைப்பட நடிகை (பி. 1937)
• அக்டோபர் 10 - ரிச்சர்டு ஃகெக், வேதியியலுக்கான நோபல் பரிசு பெற்ற அமெரிக்கர் (பி. 1931)
• அக்டோபர் 11 - எஸ். ஏ. டேவிட், ஈழத்துக் கட்டிடக் கலைஞர், காந்தியவாதி (பி. 1924)
• அக்டோபர் 13 - கருப்பையா வேலாயுதம், இலங்கை மலையக அரசியல்வாதி, தொழிற்சங்கத் தலைவர் (பி. 1950)
• அக்டோபர் 18 - தமிழினி, தமிழீழ விடுதலைப் புலிகளின் மகளிர் அமைப்பின் அரசியல் பிரிவுத் தலைவி (பி. 1972)
• அக்டோபர் 21 - வெங்கட் சாமிநாதன், தமிழக எழுத்தாளர், திறனாய்வாளர்