sepat a puu'

sepat a puu' 四季

azihen ku demiad(氣候) nu mita, caay kalecad ku demiad nu mita, anu azihen kyami haw mala sepat(四個) kuni u puu'(季節,竹節). sa zayhan sa enengan nu mita kyami miliwliw isaw itini ita i liwliw uni u cilal, kyu masazuma isaw kuni ku demiad nu mita. uyzasa, miazih kuni u layan kyami hawsa, pay akatineng hen tinu tusa a bataan aku sepat sa kyami ku caykalecad nu demiad sa kuheni. uyzasa nu mita Sakizaya kyami sa caay kahini, cacay a mihcaan kyami hawsa a sepat tu babalaki(長輩,老人家) apiisaw piazih. anu uni tu u kasadingsingan tu, lalud tu, asaca balangbangan tu, atu kasienawan tu.

azihen kyami hawsa, matatuus isaw, uni tu u kasadingsing kyami hawsa, aya izaw kyami hawsa, masazuma tu hiya u langaw(生長,發芽) uni u cananana asibalu tu sakubabalaki asadingsing tu satu ku babalaki. uzuma uni u salabiyi sa demiad sa maudad asaca mabaliyus. sa uni sa u kamu nu babalaki sa, kalaluudan tu sa ku babalaki. sa uyzasatu kyamai hawsa, a mahyatu salami' tu ku demiad. mahyatu mapulu'(掉落) tu papah(葉子) nu kilang(樹) sa ku babalaki sa, a u kabalangbalang tu satu ku babalaki.

uzuma satu kyami hawsa ayza kyami malecad ayza isaw, cueded tu ku demiad sa, mikilim tu ku kita upingizu'an nu mita. ini saku babalaki patinaku. u kasienawan tu ku demiad satu ku babalaki. mahini sa katineng nu babalaki, matineng miazih tu demiad nu mita. katinengen namin u adiwawa nu mita amipulung. amahiza pacemanay kita. amana kaliyuh miazih tu simbun ita.

sadingsing春天, lalud夏天, balangbangan秋天, kasienawan冬天

Wikipayke paybalucu'ay pulungamin a cudad-季節

撒奇萊雅族依生活經驗區分四季 2017-02-08 Sakizaya TITV 原視族語新聞

nasulitan nay paybalucu'ay a kawaw nu subana'ay a pu 2018-1, nasulitan ni Tuku Sayun