Kelt a tademaw

Kelt a tademaw

nilaculan

Kelt a tademaw

i kungyuen 2000 a mihcaan iti nutipan nu Ucu, payni tu malalecaday ku lalangawan atu kamu(Kelt a kamu), malaluma’ay kuheni, dayhan u malecad ku idang kyu u sakicacay nu Ticunghayay a binacadan kuheni .

ayda micapiay tu dadipasan ku aenengan ya bayuay subal Kelt a tademaw sa Kelt a tademaw han. kakitadaan nuheni i nutip-amisan nu Puleydiyeng subalsubalan atu Faku Puleytaniya a kakitidaan, malalecaday ku kamu, lalangaw atu sumamaday ya lala’ay ku aenengan a Kelt a tademaw kyu

Kelt a tademaw han namin a binacadan kuheni, mahida Sukelang a tademaw, Ayllang a tademaw, Weyls a tademaw atu Mangdaw a tademaw.

kina binacadan mamin hanu u bayuay subal Kelt a kamu masasukamu kuheni, i sumamad caay henay ka tatungus u Kelt a tademaw kuheni, u Pulitung han kuheni. pitapalang nu taw, iti Ucu subalay mueneng a Kelt a niyadu’asaca ya binacadan (tinaku: Palkay a tademaw atu Kawluu a tademaw) namalimad tayda I Puleydieng atu Yllang, malalid ku kawawan tina binacadan.

idaw ku kamu nu likisiay matiengay a pasubana’ay, i aayaw 275 a mihcaan Kelt a tademaw, makaala tu kuheni tu tipan nu Ucu, i katebanan nu Ucu atu ya subalsubalan nu i katetebanan Tunaw sauwac atu subalsubalan i kasasaan nu Tunaw sauwac a palapalaan.

i ayaw 285 a mihcaan ya namakay subalsubalan nu sasaan Tunaw sauwac a Kelt a tademaw, midebung kuheni tu Lamil tusa, dikudan, i ayaw 276 a mihcaan mademec nu Macitun Kuwan itida i Helelspang bayuan a kitidaan. tu i ayaw 276 a mihcaan malimad tayda i adidiay Yasiya habung subalan i teban nu Calatay hananay, imahini u Kelt a tademaw palasawaden nuheni ku Kawcasuipiliya a Wanku itidaay a binacadan.

Yu micumud midebung ku Luma a tademaw tu Kawlu a kitidaan(aydaay a Faku, Pilise, amis nu Itali) atu asimilen tu ku i Kawluay a Kelt a tademaw.

i kadikudan midebung ku Yangkelusakeseng a tademaw atu Cute a tademaw, namahida i 407 a mihcaan mialesen nu Luma ku Puleydien a subal.

kina Delmang midebungay tu taw a tademaw, i kadikudan nu 449 a mihcaan maka Fulangtel a kitidaan mikacaw tu balunga’katukuh i Tapuleydien a subal, lawpesen alesen nuheni ku katuuday iti Tapuleydien a Kelt a tademaw.

ayda u Iayelang a tademaw, Weyls a tademaw, i talakaw enal a Sukelang a tademaw(Sukelang Kelt a tademaw) atu Puleytani a tademaw pacici sa kuheni hanu u Kelt a kamu masasukamu kuheni, atu masenengaw u Kelt a tademaw kuheni sa.

u Yeyls a kamu sa u sakatuudy sasukamuen a kamu nu Kelt a kamu, nika adidi tu ku musakamuay tina kamu ayda, sakalawpesan tu a kamu ayda.

i aayaway Sukelang a tademaw nau Kelt a kamu ku kamu nuheni, nika namadebung nu Yangkelusakesing a tademaw Wi-cing a tademaw, Nu-mang a tademaw mangaleb malalid ku keyday nu In-kelang a tademaw, hida satu mapaales tu ku Sukelang a tademaw, nadikudan malawpes tu ku Kelt a kamu, mala musakamuay tu nu Inyu a kumu kuheni.

kanahatu malawpes tu kina Kelt a kamu nika iti Sukelang a palapalaan maadih henay ku nu Keltay a kamu, Keltay a lalangawen icucuwa maadih tu.

kasasiduma nu niyada’

aydaay Ucu a Yincuminu Kelt a tademaw han ku ngangan namin, u Luma a tademaw caay pipasasidumaen ku Kawlu a tademaw atu Kelt a tademaw, nika Kaw-lu a tademaw sa u muenengay i liwliw nu amisan nu Iteli kuheni, u kakitidaan sa makayda timulan bubuyu’an nu Kawlu, lalabuay Alpise buyu’, Piliniwse buyu’ katukuh amisan bubuyu’an nu Kawlu, u liwliw nu Ticunghay, Lay-ing sausauwacan , itiniay hekal nu Al-pise buyu’a binacadan.