Polimérisasi

Polimérisasi nyaéta prosés ngawujudna ranté polimér organik ulangan nu panjang. Aya sababaraha rupa polimérisasi, sarta sistimna gé béda-béda. Kategorisasina ngawengku sistim adisi-kondensasi jeung chain growth-step growth system. Rupa polimérisasi nu séjénna nyaéta polimérisasi muka cingcin (Ing. ring-opening polymerization), nu sarupa jeung polimérisasi ranté.

Polimérisasi adisi ngawengku numbukeun molekul-molekul nu mibanda beungkeut kimia rangkep dua atawa tilu. Monomér (molekul idéntik nu nyusun polimér) nu teu jenuh ieu mibanda kaleuwihan beungkeut internal nu bisa dipegatkeun sarta ditumbukeun jeung monomér séjén pikeun ngawangun ranté ulangan. Polimérisasi adisi dilarapkeun kana produksi polimér kayaning poliéténa, polipropilén, jeung polivinilklorida (PVC).

Polimérisasi kondensasi lumangsung nalika monomér kabungkeut ngaliwatan réaksi kondensasi. Réaksi ieu bisa dihasilkeun ku jalan metakeun molekul-molekul nu ngandung gugus fungsi alkohol, amina, atawa asam karboksilat (atawa turunan karboxil séjénna). Nalika amina meta jeung asam karboxilat, bakal kawangun amida atawa beungkeut péptida, kalawan ngaleupaskeun cai (jadina polimérisasi kondensasi). Nya ku prosés ieu asam-asam amino numbu sarta ngagabung jadi protéin, sakumaha dijieunna kevlar.

Polimérisasi adisi majeujeutkeun pegatna beungkeut ganda atawa rangkep tilu, nu dipaké pikeun nyambungkeun monomér-monomér kana ranté. Dina polimérisasi éténa (gbr. 1), beungkeut pi-na pegat nu salajengna dua éléktronna disusun ulang pikeun nyiptakeun a new propagating center like the one that attacked it. The form this propagating center takes depends on the specific type of addition mechanism. Aya sababaraha mékanisme cara naratasna (inisiasi). Mékanisme radikal bébas mangrupa métode nu pangmunggaranna dipaké. Radikal bébas mangrupa atom/molekul nu réaktif pisan nu mibanda éléktron nyorangan (teu boga pasangan). Misalna dina polimérisasi éténa, mékanisme radikal bébas bisa dibagi kana tilu hambalan: inisiasi, propagasi, jeung terminasi.

Polimérisasi nu lumangsungna ku prosés réaksi kondensasi.

Polimérisasi bisa dilacak nepi ka munggaran kahirupan nu dumasar DNA, sabab boh DNA atawa protéin bisa dianggap salaku polimér. Polimér 'sintétik' munggaran na abad ka-19 sabenerna dijieun ku jalan ngarombak polimér alam. Pikeun conto, nitroselulosa dijieun ku jalan ngaréaksikeun selulosa jeung asam nitrat. Polimér munggaran nu asli jieunan manusa, bakelit, disintésis taun 1872, ngan laju panalungtikan ngeunaan polimér jeung polimérisasi ngaronjatna mah taun 1930-an, waktu papanggihan poliéténa ku pausahaan kimia ICI.

• Polimérisasi plasma
• Polimér
• Katalis Zieglar-Natta
• Métallosin

• Polymerisation, ti Wikipédia basa Inggris per 29 Oktober 2004