Lompat ke isi

Minyak atsiri

Ti Wikipédia Sunda, énsiklopédi bébas

Minyak atsiri; minyak ésénsial; nyaéta minyak tina tutuwuhan anu kaambung seungit tur mibanda sipat gancang kabur (menguap/volatil).[1] Ieu minyak dipibanda tina Rempah-rempah anapon Herbal, dina rempah-rempah ilaharna ngahasilkeun minyak 2%.[1] Atsiri tina rempah-rempah aya dua rupa :

  1. Hidrokarbon (terpen, sesqusterpene, sesquiterpene, jeung diterpene)
  2. Hydrogenated alkohol (ester, aldehida, ether, jeung ketone)

Conto minyak atsiri anu mindeng dimangpaatkeun salaku flavor/nambahan rasa dina kadaharan, kayaning minyak séréh (citronella), minyak almon, minyak cengkéh, jeung réa-réa deui. [1] Minyak atsiri mibanda poténsi bisnis anu pohara hadéna, unggal taun paménta pasar ngaronjat 10%.[2] Ieu alatan ku kasadaran masarakat pikeun balik deui kana ngagunakeun bahan-bahan alami, sarta mingkin loba anu nyaho kana mangpaat jeung kagunaan minyak atsiri.

Minyak Atsiri di Indonésia

[édit | édit sumber]

Di provinsi2 Indonésia kurang leuwih aya kana 120 - 200 jinis tutuwuhan anu bisa diala minyakna, ieu gumantung kana lahan jeung lingkunganna.[2] Sababaraha Provinsi jadi puseur/sentra penghasil minyak atsiri, saperti:

  1. Nanggroe Aceh Darussalam (NAD): nilam jeung pala
  2. Sumatera Kalér : nilam
  3. Sumatera Barat : pala, nilam jeung vanili
  4. Lampung : nilam jeung séréh
  5. Bengkulu : nilam jeung jahé
  6. Jawa Kulon :usar, pala , sereh, cengkeh
  7. Jawa Tengah : cengkéh, kenanga, kayu putih , jeung séréh
  8. D. I. Yogyakarta : cengkéh jeung kenanga
  9. Sulawesi kalér : cengkéh jeung pala
  10. Sulawesi Kidul  : cengkéh
  11. Maluku : kayu putih jeung pala
  12. Papua : masoyi,lawang , jeung kayu putih

Mangpaat Minyak Atsiri

[édit | édit sumber]
  1. Kaséhatan salaku Aromateraphi
  2. Bahan kosmétik
  3. Nyeungitan olahan kadaharan
  4. Pestisida alami
  5. Ngawétkeun kadaharan. [2]

Bahan-bahan anu sok diala minyakna

[édit | édit sumber]

Dihandap ieu sababaraha tutuwuhan anu sok diarah minyak atsirina:

  1. Adas diarah tina sikina
  2. Akar wangi diarah tina akarna
  3. Panglai diarah tina beutina
  4. Cendana diarah tina Kembang, daun, kulit, jeung akarna
  5. Cengkéh diarah tina Kembang, daun, jeung régangna
  6. Gandaoura diarah tina daun jeung tangkalna. Jeung réa-réa deui [2]

Dicutat tina

[édit | édit sumber]
  1. ↑ a b c Anto, S TP Ms.c (2020). REMPAH-REMPAH DAN MINYAK ATSIRIAnto. Jakarta: Penerbit Lakeisha. p. 4. ISBN 9786237887164.  Disungsi28 Maret 2023
  2. ↑ a b c d Syahbana Rusli Dr, Meika (2010). Sukses Memproduksi Minyak AtsiriSyahbana Rusli Dr. Jakarta: AgroMedia. p. 4. ISBN 9789790062962.  Disungsi28 Maret 2023


Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Minyak_atsiri&oldid=634690"