Gambira

Gambira (Basa Inggris: seabed; seafloor, sea floor, atawa ocean floor) nyaéta dasar laut atawa samudra nu panghandapna.^[1]

Lolobana samudra mibanda struktur umum, nu kacipta ku fénomena fisik umum, utamana mah tina obahan téktonik, jeung sédimén ti mangrupa-rupa sumber. Struktur lautan, ti mimiti buana benua, biasana mah dimimitianna ku landas kontinén, tuluy kana tutugan kontinéntal - nu mangrupa pudunan nutug ka laut, nepi ka dataran abyssal - dataran topografi, awal dasar laut, jeung ka aréa utama dadasarna. Wates antara tutugan kontinéntal jeung dataran abyssal biasana aya tungturunan nu mayat, jeung disebut tanjakan kontinéntal, nu disababkeun ku sédimén nu ngamalir mapay tutugan kontinéntal.

Bucu tengah laut, sakumana ngaranna, ieu téh mangrupa gunung kawas bucu nu mucunghul di tengah samudra, di antara buana-buana. Biasana mah aya rengat di sapanjang tungtung ieu bucu. Di sapanjang tungtung téktonikna, biasana mah aya lombang samudra - legok nu jero, nu kacipta ku obahan sirkulasi mantel ti bucu tengah laut ka lombang samudra.

Legok gunung marapi bagéan hotspot kaciptana ku aktivitas vulkanik, bitu sacara maneuh, lantaran lémpéng téktonik ngaliwatan hotspot. Di daérah nu aktivitas vulkanik jeung di lombang samudrana aya véntilasi hidrotérmal - ngaleupaskeun tekenan tinggi jeung cai nu panas kacida sarta bahan kimia nu asup kana caina biasana mah beku di sabudeureunna.

Cai laut jero kabagi jadi sababaraha lapisan atawa zona, masing-masing mibanda ciri mandiri salinitas, tekenan, suhu jeung kahirupan laut, luyu kumaha jerona. Nu di luhureun dataran abyssal nyaéta zona abyssal, nu wates handapna di kurang leuwih 6.000 m. Zona hadal - nu ngawengku lombang samudra, aya di 6.000-11.000 méter sarta mangrupa zona laut pangjerona.