KaNgwane
KaNgwane bekuyindzawo lebekelwe bantfu labamnyama ngapansi kwembuso welibandlululo leyatiwa ngeBantustan eNingizimu Afrika, lebeyihloswe nguhulumende welubandlululo kutsi ibe live lelitimele lebantfu baseSwazi. Beyibitwa ngekutsi yi "Swazi Territorial Authority" kusukela nga-1976 kuya ku-1977. NgaSeptemba 1977 yabitwa ngekutsi yi-KaNgwane futsi yatfola umhlangano losemtsetfweni. Ngemuva kwekumiswa kwesikhashana kwesimo sekuba live lakubo nga-1982, lesigungu lesishaya umtsetfo savusetelwa ngaDecember 1982. KaNgwane waniketwa bukhosi ngeNgci 1984. Inhlokodolobha yakhona beyisendzaweni yase Louieville. Bekungumbuso lonebantfu labambalwa kuletindzawo letilishumi, netakhamuti letilinganiselwa ku-183 000. Ngekungafani nalamanye emave ase Ningizimu Afrika, iKaNgwane ayizange itsatse ifulegi yayo kodvwa yaphakamisa ifulegi yesive yase Ningizimu Afrika.[1]