سود

سود حرام اتے جہنم اچ گھن ونڄݨ آلا کم ہے۔

سود دی تعریف: ربا یعنی سود حرام قطعی ہے ایندی حرمت دا منکر کافر ہے اتے حرام سمجھ کے جیہڑا ایندا مرتکب ہے فاسق مردود الشہادہ ہے، عقدِ معاوضہ اچ جݙاں ݙوہیں طرفوں مال ہووے اتے ہک پاسو زیادتی ہووے جو اوندے مقابل اچ ݙوجھے پاسوں کجھ نہ ہووے اے سود ہے۔

آیت مبارکہ: اللہ پاک فرمیندے: یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ذَرُوْا مَا بَقِیَ مِنَ الرِّبٰۤوا اِنْ كُنْتُمْ مُّؤْمِنِیْنَ(۲۷۸) فَاِنْ لَّمْ تَفْعَلُوْا فَاْذَنُوْا بِحَرْبٍ مِّنَ اللّٰهِ وَ رَسُوْلِهٖۚ-وَ اِنْ تُبْتُمْ فَلَكُمْ رُءُوْسُ اَمْوَالِكُمْۚ-لَا تَظْلِمُوْنَ وَ لَا تُظْلَمُوْنَ(۲۷۹) (پ 3، البقرۃ: 278-279) ترجمہ: اے ایمان آلو! اللہ کولوں ݙرو جیہڑا کجھ تہاݙا سود باقی رہ ڳئے چھوڑ ݙیوو جیکر تساں مومن ہیوے اتے جیکر تساں ایی نہ کیتا تاں تہاکوں اللہ اتے رسول ﷺ دی طرفوں لڑائی دا اعلان ہے اتے جیکر تساں توبہ کر گھنو تاں تہاکوں تہاݙا اصل مال ملسی نہ ݙوجھیں تے تساں ظلم کرو اتے نہ ݙوجھا تہاݙے اُتے ظلم کرے۔ قرآن پاک اچ سود خوری کوں اللہ تے رسول صلی اللہ علیہ وسلم نال جنگ کرݨ آکھیا ڳئے ٻیا کہیں گناہ کوں اے کائنی آکھیا ڳیا

احادیث مبارکہ:

1۔رسول اللہ ﷺ نے سود گھنݨ آلے اتے سود ݙیوݨ آلے اتے سود لکھݨ آلے اتے اوندے گواہویں تے لعنت فرمائی ہے اتے اے فرمائے جو او سارے برابر ہن۔(مسلم، ص 862، حدیث: 1097)

2۔ نبی کریم ﷺ نے فرمائے: شب معراج میں ہک قوم کولوں ڳیاں جَیندے پیٹ گھر دی کار (وݙے وݙے) ہن انہیں پیٹیں اچ نانگ ہن جیہڑے باہرو ݙسدے ہن، میں پچھیے: اے جبرائیل اے کون لوک ہن؟ انہیں آکھیے: یہ سود خور ہن۔(سنن ابن ماجہ، 3/72، حدیث: 2273)

3۔ سود (دا گناہ) 70 حصہ ہے انہیں اچوں ساریں کولو گھٹ درجہ اے ہے جو کوئی شخص آپݨی ما نال زنا کرے۔(سنن ابن ماجہ، 8/223، حدیث: 2274)

4۔سود کوں چھوڑو اتے جَیندے اچ سود دا شبہ ہووے اوکوں وی چھوڑ ݙیوو۔(ابن ماجہ، 2/73، حدیث: 2276)