Doom metal

Doom metal is an extreme form o hivy metal that teepically uises slawer tempos, law-tuned guitars an a muckle "thicker" or "hivier" soond than ither metal genres. Baith the muisic an the leerics intend tae evoke a sense o despair, dread, an impendin doom.^[1] The genre is strangly influenced bi the early wirk o Black Sabbath,^[1] wha formed a prototype for doom metal wi sangs lik "Black Sabbath" an "Into the Void". Durin the first hauf o the 1980s,^[1] a feck o baunds frae Ingland (Pagan Altar, Witchfinder General), the Unitit States (Pentagram, Saint Vitus, Trouble) an Swaden (Candlemass, Count Raven) defined doom metal as a distinct genre.

At the beginnin o the 1990s, experimentation athin doom metal became widespread, an the genre diversifeed as a result. The day, baunds who continue the style o the genre's pioneers are aften referred tae as traditional doom metal. Tradeitional doom metal baunds mair commonly uise heicher guitar tunins, an dinna play sae slaw as mony ither doom baunds. Traditional doom baunds teepically play slaw tae mid-tempo sangs wi a thick an hivy soond. Vocals is uisually clean wi the occasional groul or scream. The leerics in traditional doom uisually are eerie an daurk like ither doom metal diveesions. Some modren baunds that play traditional doom metal is Ogre, Reverend Bizarre, an Witchcraft.

Epic doom haes a hivy classical influence. Ane o the main characteristics are the Vocals; vocalists teepically employ clean, operatic an choral singin. Leerics an imagery is teepically inspired bi fantasy or meethology, while the drummin is performit in a bombastic fashion. Housomeivver, distinguishin epic doom frae traditional doom mey be difficult. Examples o prominent epic doom baunds include Candlemass, Solitude Aeturnus, Solstice an Doomsword.

Stoner doom, stoner metal or psychedelic doom describes doom metal that incorporates psychedelic elements, tae varyin degrees. Stoner doom is aften bass-hivy an maks muckle uise o guitar effects such as fuzz, phaser or flanger. Stoner doom cold be viewed as the hivier an slower form o stoner rock, as the twa styles emergit simultaneously. It wis pioneered in the early–mid 1990s bi baunds lik Kyuss, Sleep, Acid King, Electric Wizard, Orange Goblin an Sons of Otis.

Sludge metal (kent as sludge doom an aw) is a style that combines doom metal an hardcore punk, an whiles soothren rock. Mony sludge baunds compose slaw an hivy sangs that conteen brief hardcore passages.^[2][3] Housomeivver, some baunds emphasise fast tempos throughoot their muisic.^[4] The string instruments is hivy distortit an is aften played wi lairge amoonts o feedback tae produce an abrasive, sludgy soond. Drummin is aften performit in typical doom metal fashion, but drummers mey employ hardcore d-beat or double-kick drummin in faster passages. Vocals is uisually rowstit or screiched, an leerics aften focus on dule, drug abuse, politics an anger taewart society. The style wis pioneered in the early 1990s bi baunds lik Eyehategod,^[2] Crowbar,^[3] Buzzov*en,^[4] Acid Bath,^[5]an Grief.^[6]

Funeral doom is a style o doom metal that crosses daith/doom wi funeral dirge muisic. It is played at a vera slaw tempo, an places an emphasis on evokin a sense o empiness an wanhowp. Teepically, electric guitars is hivy distortit an dark ambient aspects lik keybuirds or seenthesizers is aften uised tae create a "dreamlike" atmosphere. Vocals consist o mournful chants or grouls an is aften in the backgrund. Funeral doom wis pioneered bi Mournful Congregation (Australie), Funeral (Norawa), Thergothon (Finland), Skepticism (Finland) an Corrupted (Japan).^[7] It is unclear whether the genre's name wis derivit frae the baund Funeral (ane o the genre's pioneers) or frae the genre's affiliation wi funeral dirge muisic.

Drone doom (basically kent as drone metal) is a style o doom metal that is lairgely defined bi drones; notes or chords that are sustained an repeatit throughoot a piece o muisic. Typically, the electric guitar is performit wi lairge amoonts o reverb an feedback^[8] while vocals, gif present, is uisually grouled or screicht. Sangs is aften vera lang an lack beat or rhythm in the tradeitional sense. Drone doom is generally influenced by drone music,^[8] noise music^[8] and minimalist muisic.^[8] The style kythit in the early 1990s an wis pioneered bi Earth,^[9] Boris an Sunn O))).^[8]

Daith/doom is a style that combines the slaw tempos an pessimistic atmosphere o doom metal wi the deep groulin vocals an double-kick drummin o daith metal.^[10] Influencit maistly bi the early wirk o Hellhammer / Celtic Frost, the style kythit in the late 1980s an gained a certain amoont o popularity in the 1990s.^[10] Arguably, the first baund tae delve intae this style o slaw-pacit daith metal wur the Pittsburgh-based Dream Death, wha anerlie released ane full-length album afore evolvin intae the traditional doom metal baund Penance. They wur shortly follaeed bi the baund Goatlord oot o Las Vegas, Nevada. Death/doom wis pioneered bi baunds lik Winter,^[11] Disembowelment,^[11] Paradise Lost,^[11] Autopsy, Anathema an My Dying Bride an aw.^[11]

Black/doom (kent as blackened doom an aw) is a style that combines doom metal an black metal.^[12][13] Examples o blackened doom baunds include Forgotten Tomb, Woods of Ypres,^[14] Dragged Into Sunlight^[15] an Vhernen.^[16]

The term is aften confused wi death/doom, inspecially sin a feck o gothic metal baunds haes a daith metal past. Gothic metal refers tae a development in the 1990s oot o doom an daith metal, as mair baunds stertit uisin strings, keyboards an female vocals. Beside the teepical slaw riffs were female vocals an/or Gregorian chants, quite aften wi melodic keyboard sounds addit an aw. Atmosphere seems mair important than technique like in death an the muisic aften soonds mair feminine than doom metal. There whiles elements o gothic rock, but mony bands prefer tae refer tae their muisic as symphonic metal. The Netherlands an Scandinavie is the maist important places athin this genre.

Baunds wi female sangsters like Tristania, Theatre of Tragedy an The Gathering wur the pioneers. Ither baunds wi this style is The Sins of Thy Beloved, Ashes You Leave, Draconian an Sirenia. Baunds wi male sangsters lik Type O Negative an Tiamat is includit in this genre an aw.^[17]

Wikimedia Commons haes media relatit tae Doom metal music groups.