Quatratura do cerchiu

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

La quatratura dô cerchiu, assemi a:

1. lu prubblema dâ trisizzioni di l'angulu e
   
2. a chiddu duplicazzioni dô cubbu,
   

custituisci unu di li tri prubblemi classici dâ giumitria greca. L'obbiettivu eni chiddu di custruiri, usannu sulu custruzzioni ccu riga e cumpassu, nu quatratu câ stissa aria di nu datu cerchiu.

Tra li matimâtici di l'antichità chi pruvaru a risorviri lu prubblema unu di chiddi ca tintau di risurvillu fu Archimedi. Lu sarausanu, nun arrinisciu a risurvillu, ma risurvìu la quatratura dâ parabbola. La Sicilia all'èbbica facìa parti dâ Magna Grecia zoè da so parti culuniali in Italia assemi â gran parti di citati culoniali grechi dâ Basilicata, Puglia e a Campania.

Chiddu dâ quatratura dô cerchiu nun je autru ca nu classicu prubblema di matimatica, o cchiu pricisamenti. di giomitria.

Lu prubblema arrisali a a sprummintazzioni dâ giomitiria e parissi stranu ma avi tinutu a pinzari e ratapinzari assai matimatici 'nta li seculi.
Sulu 'nta lu 1882 quannu l'impussibbilitati venni pruvata rigurosamenti, puru siddu li giomitra di l'antichitati avieunu affirratu sia a liveddu intuitivu e in pratica ca a cosa nun putìa averi na suluzzioni isatta.
S'avissi a nutari ca è solu la limitazzioni a usari na riga riga nun graduata e nu cumpassu chi renni mpussibbili la suluzzioni. Se ci si cuncedi l'usu di autri stigghi comu a isempiu quarchi cosa ca poti disignari na spirali archimedea, allura nun è accussì difficili disignari lu quatratu e lu cerchiu 'nta na manèra ugguali.

N'autra suluzzioni addummanna a custruzzioni di lu nummiru irrazzionali e trascinnenti ${\displaystyle {\sqrt {\pi }}}$.
Infatti l'aria dô cerchiu è data di ${\displaystyle \pi r^{2}}$, e dunqui nu quatratu ccu aria ${\displaystyle \pi r^{2}}$ avissi aviri nu latu pari a ${\displaystyle \pi r^{2}}$), e l'impussibbilitati di issu adderiva di lu fattu ca π è nu nummiru trascindenti, ca vulissi a diri nun algebbricu, e dunqui non-custruiibbili.
La trascinnenza di π fu dimustrata di parti di Ferdinand von Lindemann nta lu 1882.
Arrisolviri lu prubblema da quatratura do cerchiu, singnifica dimustrati â cumunitati scientifica d'aviri truvatu macari nu valuri algebbricu di π - ca jeni 'mpussibbili.
Chissu nun significa ca è impussibbili custruiri nu quatratu ca ci avi n'area moltu simili a chidda di lu cerchiu datu: lu prubblema ca unu a vuliri ssiri pricisinu s'adduna ca nun sunu iguali iguali.

A prova matimatica ca a quatratura (matimatica) dô cerchiu è 'mpussibbili nun ampidiu na puocu di "spiriti libbira" di spenniri anni supra lu prubblema.
A perdita di tiempu ca si sintiu di parti di la pupulazzioni quannu c'era quarcunu ca pirdìa tiempu ppi stu prubblema purtau a usari lu termini 'nta cuntesti cumplitamenti sligati, unni è usatu simpricimenti ppi andicari quarchi cosa sinza spiranza, sinza significatu o travagghiari ppi nenti.

Veni macari usatu ppi indicari a suluzzioni pirfetta a nu datu prubblema.

• Sa iddu, sprissioni siciliana

• Fari quatrari lu cerchiu (in lingua angrisi)
• A giomitria comu vinìa sturiata ntra l'igizziani