Padania

Padania è na dinuminazzioni giugrafica altirnativa usata pi nnicari la Valli Padana. L'utilizzu di sta dinuminazzioni si diffunnìu a pàrtiri di l'anni '90 quannu lu partitu dâ Lega Nord e lu sò leadr Umbertu Bossi sprummintau la dinuminazzioni pî sò velleitati nnipinnintisti.

Ntê discursa nnipinnintisti, la Padania havi cchiossai nu significatu puliticu e nesci dî sò cunfini naturali. Accussini pi Padania li attivisti nnipinnintisti ntènnunu spissu nun sulu li riggiuni dâ valli dû ciumi Po e dâ pianura padana, ma puru la Liguria, e ntî certi uccasioni si vulissi agghicari a allaricàrisi nzinu â Toscana ê Marchi e all'Umbria.

Ancora òi lu termini è usatu privalentimenti n rilazzioni a abbinimenti, fatti o opinioni liati a Lega nord o a sò appartinenti. La Padania è puru lu titulu di la tistata di lu quotidianu ufficiali dâ Lega Nord.