Mazzara

Mazzara
Muttu: Inclita Urbs (citati celibbri)
Nomu ufficiali:	Mazara del Vallo
Riggiuni:
Pruvincia:	Tràpani (TP)
Cuurdinati:	37°39'5.98"N, 12°35'15.04"E Ammustra ntâ mappa
Superfici:	275,39 km²
Abbitanti:	51.164
Dinzitati:	175 ab./km²
Cumuni cunfinanti:	Campubbeddu, Castelvetranu, Marsala, Pitrusinu, Salemi
CAP:	91026
Prifissu telefònicu:	0923
Situ ufficiali:	http://www.comune.mazaradelvallo.tp.it/

Mazzara (nomu ufficiali Mazara del Vallo) è na citati di 51.164 abbitanti ca s'attrova a 52 chilòmitri di Tràpani, a 8 metri ncapu lu liveddu di lu mari. È nu mpurtanti centru agrìculu e suprattuttu marinaru, canusciutu comu unu di li porti pi varchi di pisca cchiù grossi d'Italia e di lu Mari Miditirràniu. È videmma nu ciurenti centru di cummerciu ìtticu e di bona attivitati viti-vinìcula. L'attività ecunòmica cchiù mpurtanti è la pisca.

È na citati a chianta quatrata ca sarva ancora li signa e li caràttiri cchiù mpurtanti di la duminazzioni slàmica n Sicilia.

Dintra lu tirritoriu (chi beddru stu tirritoriu) di Mazzara è videmma prisenti n'òasi WWF, na la zona di Capu Fetu, china d'aceddi di mari e aquitrini. N'àutra òasi sta pi jiri li Jurghi Tunni, nu nzemi di lachi nicareddi di urìggini vurcànica dunni diversi speci di aceddi ripòsanu duranti li longhi viaggia.

Portu finiciu ntô sèculu VI e V a.C., passa a li Cartagginisi ntû 409 a.C. e a li rumani ntû 210 a.C.. Ntô 827 vinni uccupata di l'Àrabbi e ciurisci e si sviluppa comu paisi slàmicu ca nzinu a ora s'arricanusci ntra li strati, stratuzzi, vìi, vìiculi, vaneddi, chiazzi e curtigghi ntricati e ramificati comu lu paisi cchiù slàmicu d'Italia. Ntû 1072 veni cunquistata dû cunti Ruggeru I di Sicilia e ntû 1093 addiventa viscuvatu e ciurisci l'edificazzioni barocca di cresi e chiazzi. Àppi videmma nfluenzi di àutri culturi: nfatti, vìnniru li Nurmanni, li Bizzantini, li Svevi, l'Aragunisi e li Spagnoli.

Di vìdiri cci sunnu:

• la Catridali dû 1093, di orìggini nurmanna, custruita ncapu a na muschea pi vuliri di Ruggeru I di Sicilia. Cc'è na mpurtanti cumpusizzioni di sei stàtui dû 1532 di A. Gagini (la trasfigurazzioni);
• la Chiazza di la Ripùbbrica cu la stàtua di Santu Vitu, patronu di la cità di Mazzara;
• lu Siminariu, custruzzioni barocca dû 1710;
• lu Palazzu Viscuvili dû 1596;
• li jardina pùbbrici dintra lu centru citatinu, canusciuti videmma comu ville;
• tanti àutri cresi mpurtanti, comu chiddi di Santu Franciscu, Santa Nicola Rigali (d'orìggini nurmanna), Santu Vitu a Mari, San Micheli, ca s'attròvanu puru iddi nta lu centru stòricu, oppuru chidda di Santu Vitu a mmari.

Ricentimenti, la citat di Mazzara addivintò famusa pi la stàtua greca di vrunzu dû Sàtiru danzanti dû sèculu IV a.C., piscata di nu piscaturi mazzarisi ntô 1998 e ora espunuta nta l'ex Chiesa di S.Eggidiu, addivintata Museu dû Sàtiru. Lu Sàtiru Danzanti è òi ricanusciutu comu la principali attrazzioni turìstica di Mazzara.

Mazzara havi sulu dui frazzioni ufficiali, Borgata Costiera (canusciuta comu "La Custera") e Mazara Due, di cchiù ricenti custruzzioni. Ntra li principali quarteri citadini va mmeci ammmintuata la Tonnarella, la zona balniari dû paisi ca si pòpula supratuttu pi la stati.

• Santu Vitu martiri (n. 290)
• 'Abù 'Abd Allah, dittu Imam Al Mazari, santu e tiulugu mussurmanu, natu lu 1059 o 1160 e mortu a Madhia nâ 1142.
• Tommaso Lipari, clochard mortu lu 9 di giugnettu 1973 e cridutu di quarchi d'unu Etturi Majorana.
• Enrico Birtol natu a Mazzara nta la secunna mitati dû XI sèculu, fu patriarca di Antiochia e mmasciaturi nta lu mpiraturi Alessiu I di Bisanziu.
• Gian Giacomo Adria (Joannes Jacobus Adria), natu a Mazzara na lu 1485 e mortu a Palermu na lu 1560, dutturi, umanista e stòricu.
• Pietro Consagra, scultura (1920 - 2005)
• Giusy Buscemi (1993), miss Italia 2012.

• Tribisazzi - Talia
• Santa Pola - Spagna
• Mahdia - Tunisìa
• Volos - Grecia

• Situ Ufficiali

Nta Commons s'attròvanu àutri mmàggini rilativi a Mazzara.