Mènnula
La mènnula è lu fruttu di lu mènnulu, custituitu di na parti sterna virdi e villutata, un gusciu lignusu uvuidali allungatu cu superfici spirtusata e na parti nterna cummistìbbili utilizzata, ntâ varitati di gustu duci, comu frutta sicca e ntâ nnustria duciaria e, ntâ varitati amara, n prufumarìa e farmacìa. Spissu è utilizzata ntâ produzioni di granita, latti di mènnula, viscotta e frutta marturana e ntu biancumanciari nei duci, e ntu pistu e ntâ pasta cu l'agghia di Tràpani.
La mènnula è diffusa ntâ lu Mediterraneu. Li mennuli si arricùogghiunu pi menzu di manu o di virga ntu periodo di austu-sittèmmiru, hanu n'autu indici caloricu, 500-600 kcal/100 g, e su pi lu 50% lippa, pi la maggiuri parti insatura.