Jane Goodall

Sta pàggina è scritta sicutannu i règuli dû Ducumentu pi l'Ortugrafìa dû Sicilianu dâ Cademia Siciliana.

Dama Jane Goodall (Londra, 3 d'aprili 1934), nomu cumpletu Valerie Jane Morris-Goodall, è na primatòluga, etòluga e antrupòluga britànnica, cunzidirata a cchiù granni mastra di scimpanzè dû munnu. I so studi sicutaru pi cchiù assai di 60 anni gruppa e famigghia di scimpanzè dâ Riserba Gombe Stream ntâ Tanzania.

Nzinu di quannu era carusa, Jane ammustrau nu ntressu pi l'armali e a natura. Ntô 1960, senza nuḍḍa furmazzioni accadèmica, partìu agghri ô Tanzania pi vardari i scimpanzè sutta a guida di l'antrupòlugu Louis Leakey. Di tannu, i studi dâ Goodall purtaru na rivuluzzioni ntê scienzi dû cumpurtamentu di l'armali, comu a ducumintazzioni di l'usu di strumenti, pràtica nzinu a tannu cunzidirata na cosa sulu umana.

'N menzu ê primati, iḍḍa potti vìdiri comu st'armali sunnu capaci di cacciari nzèmmula e armari pràttichi suciali assai ntrallazzati.

Fu arricanusciuta comu Dama dû Mperu Britànnicu (DBE). Ricivìu a Midagghia Hubbard dâ National Geographic Society e fu aḍḍijuta comu Missaggera di Paci di l'ONU.

Ntô 1977, funna u Jane Goodall Institute, n'urganizzazzioni didicata â ricerca, ô sarbamentu e ducazzioni di l'ammienti. È di sempri attiva pâ prumuzzioni dî diritti di l'armali e pû rispettu di tutti i furmu di vita.

Ntra i tanti libbra chi scrissi, comu In The Shadow Of Man, 1971 o The Chimpanzees of Gombe: Patterns of Behavior, 1986, cci su' macari libbra pî picciriḍḍi pi ducari ô rispettu dâ natura.