Terranoa e Labrador

Coordinadas: 53°N 60°W / 53°N 60°W53; -60

Su Terranoa e Labrador (in inglesu: Newfoundland and Labrador (/n(j)uːfənˈlænd ænd ˈlæbrədɔr/, in frantzesu: Terre-Neuve-et-Labrador) est sa provìntzia prus orientale de su Cànada. Postu in sa regione atlàntica, est formadu de s'ìsula de Terranoa e de sa parte norti-orientale de su territòriu continentale de Labrador. Sa capitale est Saint John's.

Est sa provìntzia linguisticamente prus omogènea, sende chi unu 97,6% de is residentes tenet s'inglesu che limba mama.

Sa provìntzia tenet istèrrida de 405.212 km² e populatzione de unos 526.700 bividores, de chi unu 92% bivet in s'ìsula de Terranoa (mescamente in sa penìsula de Avalon) e is àteras minores chi dd'istant a inghìriu. Su 40% de totu sa populatzione istat in sa capitale e in s'àrea metropolitana sua.

Su Terranova e Labrador est istadu in tempus andadu colònia de su Rènniu Unidu e fatu provìntzia canadesa su 31 de maju 1949, cun nùmene de Terranova, mudadu in su de oe su 6 de nadale 2001.

Istoricamente, in Terranoa s'agataiant fintzas bariedades particulares de frantzesu e irlandesu, e aici puru s'estinta limba beothuk. In su Labrador sunt faeddados dialetos inuktitut.

Wikimedia Commons tenet files chi ligant a: Category:Newfoundland and Labrador