Перейти к содержанию

Саранскойсэ невтизь одс нолдазь «Сырнень човалят» эрзянь ташто валонь валкс

Добавить ссылки
Материал из Викиновостей, свободного источника новостей
Лия кельтнесэ: русский • эрзянь

29 декабря 2017 года

Эрзянь сёрмадеесь Нуянь Видяз «Сырнень човалят» одс нолдазь валксонзо марто. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.

2017 иень ацамковонь 21 чистэ Саран ошсо А. С. Пушкин лемсэ библиотекасо ютась Нуянь Видязонь (Евгений Четверговонь) «Сырнень човалят» валксонзо презентациясь. Васенцеде сон нолдазель 1995-це иестэ, умок.

Варчик муемс сонзэ лавкасто-стяко шкат ёмавтсак. Эйсэнзэ ламо стувтозь, кезэрень валт, лиякс меремс, «сырнень човалят», конатнень пароль мекев совавтомс келентень. Ды вана Нуянь Видяз нолдызе валксонть омбоцеде. Поладызе, сюпалгавтызе. Рамадо, эрзят, тонавтнеде тиринь келенть, илядо нузялдо. Презентациясонь ульнесть эрзянь келень тонавтыцят, сёрмадейть, Валморозейть, ды вейсэнь тевтьтеийть. Нуянь Видязь, тешкстызе:

«Одс валксонть нолдамозо вана мейсэ – сон видстэ меремс, вейкине эрзянь валонь лисьмаприне, конатат башка путозь эрявикс явновкстнэва. »

Чарькодеви, аволь шожда ульнесь важодемс валксонть лангсо, авторось весементь, ловт, теизе сонсь. Кезэрень валт ды валмеревкст муемс-пурнамс тензэ лездасть поэтессась Маризь Кемаль ды «Сятко» журналонь прявт редакторось Т. В. Разгуляева.

Александр Данильчев:

«Ялгат, лиссь «Сырнень човалят» Нуянь Видязонь од валксозо! Те алкуксонь казне Од иентень. Кенереде саемс эстенк ды теемс казне малавиксэнк туртов! Тосо ламо од валт ды лия мезе. Домкалгавтынк содамочинк.»

Презентациясонть нурькасто ёвтазель Нуянь Видязонь лия книгадонзояк, моразельть морот, конатнень сёрмадыцясь совавтынзе романозонзо ды ёвтнемазонзо. Прядовсь чокшнесь вейсэнь фотосо.

  • Корты Маризь Кемаль. Эрзянь сёрмадеенть Нуянь Видязонь «Сырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.
    Корты Маризь Кемаль. Эрзянь сёрмадеенть Нуянь Видязонь «Сырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.
  • Эрзянь сёрмадеенть Нуянь Видязонь «��ырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.
    Эрзянь сёрмадеенть Нуянь Видязонь «Сырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.
  • Вейсэнь фотокув! Эрзянь сёрмадеенть Нуянь Видязонь «Сырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.
    Вейсэнь фотокув! Эрзянь сёрмадеенть Нуянь Видязонь «Сырнень човалят» одс валксонть нолдамонть коряс вастомась. Саран ош, «А. С. Пушкинэнь лемсэ Раськень библиотекась», 2017 иень ацамковонь 21 чи.

Невтевкст

[править]

Лисьмапрят

[править]
Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.



Источник — https://ru.wikinews.org/w/index.php?title=Саранскойсэ_невтизь_одс_нолдазь_«Сырнень_човалят»_эрзянь_ташто_валонь_валкс&oldid=16578849