Trègghie de scuègghie
 | |
|---|---|
| |
| Classificazione scientifica | |
| Regno | Animalia |
| Phylum | Chordata |
| Classe | Actinopterygii |
| Ordine | Perciformes |
| Famiglia | Mullidae |
| Genere | Mullus |
| Specie | M. surmuletus |
| Nomenclatura binomiale | |
| Mullus surmuletus Linnaeus, 1758 | |
'A Trègghie de scuègghie (nome sciendifiche Mullus surmuletus Linnaeus, 1758 - tagliàne Triglia di scoglio) ète 'nu pésce d'a famigghie de le Mullidae.
Morfologije
[cange • cange 'a sorgende]Le pìsce de stu genere arrivane 'mbonde a 20-25 cm de lunghezze. Mullide cu 'u muse allungate e cu 'a cape cu 'nu profile 'nu picche oblique. 'A prima pinne dorsale jè listate da doje fasce russe cchiù o mene scure. 'U culore d'u dorse jè russe; quidde de le fianghe jè cchiù roseo cu ttre o quattre strisce longitudinale gialle; quidde d'a vendre jè vianghe. Otra caratteristiche d'a trègghie de scuègghie sonde le dinde ca se iacchiane jndr'à vanne de vasce d'a vocche, cioè addò stè 'a mandibbole.
Le fèmmene de sta specie sò cchiù luènghe de le maschele.
Habitat e pèsche
[cange • cange 'a sorgende]'A trègghie de scuègghie cambe sus a le funne cu le rocce e 'mbrà le scuègghie jndr'à 'na profondità de 70 - 80 metre. Se pesche duranne tutte l'anne cu le rezze da poste, cu chidde a strasciche e pure cu le nasse e le lenze.
'A pesca sportive, fatte cu 'u fucile, jesse difficile pe le dimenziune d'u pesce ca ète 'nu bersaglie piccinne. Ce 'u colpe avène sbagliate, o 'a presenze d'u pescatore jè avvertite da 'u pesce, quiste se ne fusce veloce veloce e sparisce 'mbacce a l'uecchie. Le uagnune avènene pescate jndr'à le mise de l'estate vicine a 'a coste cu le rezze radende.
Valore Economiche / Cucine
[cange • cange 'a sorgende]Le carne sonde tueste e profumate, de qualità superiora a quidde d'a trègghie de fànghe. Pe fà esaltà 'u culore russe vive d'u pesce, le pescature ausane luarle le sckame subete apprisse ca l'onne pigghiate.
Muttette
[cange • cange 'a sorgende]- Jè 'na trègghie de ruètele! (trad. è una triglia di un rotolo!) pe indicà 'na cosa meravigliose assaije.
'Ndruche pure
[cange • cange 'a sorgende]Bibliografije
[cange • cange 'a sorgende]- Tarde e 'u Mare - Pesche e Pescature - Tarde, 1979