Ultim giudizi

Questa pagina è scritta en puter.

L'ultim güdizi (per rumauntsch grischun ultim giudizi) es ün'imaginaziun da cretta da las religiuns monoteisticas giudaissem, cristianissem ed islam chi cuntegna ün güdizi divin chi glivra il cuors dal temp e finischa l'istorgia. L'ultim güdizi tuocha tar l'ambiaint da l'apocalipsa.

Infra la Bibgia raquinta impustüt il cudesch da la revelaziun da Gioannes da las ultimas chosas a la fin da l'uscheditta prüma creaziun. Ma eir l'evangeli seguond Matteus recitescha pleds da Gesu Crist chi discuorran dal ultim güdizi (25evel chapitel).

Ad appara finelmaing Gesu scu il güdisch sül arch in tschêl per separer als umauns in quels da la vart dretta chi vivan per saimper in cumünaunza cun Dieu ed a quels da la vart schnestra chi restan sainza Dieu in etern.

Dispüttaivla d'eira adüna darcheu l'idea d'üna conciliaziun da tuots respectivmaing conciliaziun generela (in grec apokatastasis panton). Tenor quista teoria vaindscha Gesu Crist sur il diavel in möd ch'el maina tuottas creatüras our dal infiern. In temp modern es Karl Barth sto ün simpatisant da quista doctrina schabain ch'el intunaiva: Eau nu l'instruischa, ma neir eau nu la refüsa. L'opiniun da la majorited dals teologs invezza disch ch'üna conciliaziun da tuots nu po esser üngüna doctrina da la baselgia. Bgeraunz es ella üna spraunza e na dapü.

La scienzcha chi tratta eir da l'ultim güdizi ho nom escatologia.

• Jürgen Moltmann: Sonne der Gerechtigkeit. Das Evangelium vom Gericht und von der Neuschöpfung aller Dinge (= Sulagl da güstia. l'evangeli dal güdisch e da la recreaziun da tuottas chosas)