Valsusa

La Valsusa (an italian Valle di Susa) a l'é na val dël Piemont a òvest ëd Turin.
La val a l'ha pijà sò nòm da la sità ëd Susa, la pì importanta dla valada.
Ant la Valsusa a scor la Dòira Rivaria. La montagna pì àuta a l'é ël Rociamlon (3.538 m). Patron-a dla Valsusa a l'é la Madona dël Rociamlon.

Va a Stòria dla Valsusa

Ël turism a l'è dovù dzortut al turism invernal a Bardonecia, Cesan-a, Ols e Sauze d'Ols, ch'a l'han ëdcò ospità con Turin ij Gieugh Olìmpich Invernaj dël 2006.

An Valsusa as treuvo 39 comun. 23 a fan part dla Comunità Montan-a Bassa Valsusa e Val Cenìschia, 14 a fan part dla Comunità Montan-a Alta Valsusa e 2, Butijera e Rosta, a fan nen part dle comunità montan-e.

J'abitant a son 90.000 circa.

Le località prinsipaj a son: Vian-a, Bardonecia, Bussolin e Susa. Sti comun-si a totaliso a truch-e-branca ël 30% dla popolassion.

• La Sacra 'd San Michel
• Ël Fòrt d'Isìles
• La Catedral ëd San Giust a Susa

• 
  Valsusa
• 
  ël Rocia-mlon
• 
  la Madona dël Rociamlon
• 
  Susa: Catedral ëd San Giust e Porta Savoia
• 
  Susa: l'Arch d'August
• 
  La Sacra 'd San Michel
• 
  Sant Ambreus: La Cesa 'd San Giuan Vincens