RAID

RAID () a l'é ël nòm ëd le organisassion dij disch pì otimisà rispet al JBOD.

A-i é almanch coste manere ëd fé na configurassion an RAID:

• RAID 0;
• RAID 1;
• RAID 5.

Ant la organisassion RAID 0, doi o pì disch a fan n'unità sola. Le anformassion a son dividùe an bloch e distribuìe an paralel an dzora a tùit ij disch. As vagna motobin an velossità, ma la pérdita d'un disch a compòrta la pérdita ëd tùit ij dat.

Ant l'organisassion RAID 1, a l'é privilegià la sicurëssa. Tùit ij dat a son replicà an dzora a tùit ij disch, la capassità dël sistema a l'é cola dël disch pì cit. Se as perd un disch, as continua a dovré j'àutri.

L'organisassion RAID 5 a l'é fàita con almanch tre disch; a l'é cola pì complicà ma a l'é otimisà. Le anformassion a son argistrà an manera ridondanta con dij bit ëd parità. Se as perd un sol disch, tùit ij dat a resto disponìbij.