Gino Latilla

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Cantant an lenga italian-a.
Gino Latilla a l'era nà a Bari dël 1924, fieul ëd Mario, cantant ëdcò chiel.

Latilla a l'avìa esordì durant la sconda guèra mondial al Teatro Manzoni ëd Bològna ant lë spitàcol Mailù. Apress la guèra a l'ha fàit dle gire artìstiche an Almagna e ant jë Stat Unì për peui intré a travajé a la RAI ant ël 1952, tanme cantant a la radio.

Dël 1958 a l'ha marià la cantanta Carla Boni; la cobia a l'ha avù doe masnà, Davide e Luisella. Peui as son chitasse.

A l'ancamin dj'agn 1960 Latilla a l'é slontanasse dal mond ëd la canson e a l'é andàit a fé ël dirigent a la RAI, prima a Roma, peui a Firense. A tornërà a canté ant j'agn 1980.
A l'é mòrt a l'ospidal ëd Santa Marìa Neuva ëd Firense a j'11 dë stèmber 2011.

Soe canson

Antra ij sucess ëd Gino Latilla a-i son ëstaje Vecchio scarpone (1953) e Tutte le mamme (1954).