Ernst Schröder

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Matemàtich alman.
Ernst Schröder a l'era nassù a Mannheim ël 25 ëd novembèr dël 1841 e a l'é mòrt a Karlsruhe ël 16 ëd giugn dël 1902.

A l'ha travajà an sl'àlgebra dla lògica.
Schröder midem a dividìa soa produssion sientìfica an tre part:

vàire artìcoj ch'a trato ëd problema matemàtich ëd l'época;
studi rësguardant la creassion ëd n'àlgebra assolùa, visadì na teorìa general dle conession (Schröder a fortiss che cost-sì a l'era sò soget d'arserca pì genit);
travaj an sl'arforma e ël dësvlup ëd la lògica.

Sò but a l'era ëd progeté la lògica 'me na dissiplin-a për fé dij cont.

Euvre prinsipaj

Lehrbuch der Arithmetik und Algebra für Lehrer und Studirende (prim volum, l'ùnich surtì: Die sieben algebraischen Operationen; Lipsia, 1873)
Der Operationskreis des Logikkalkuls (Lipsia, 1877)
Vorlesungen über die Algebra der Logik (euvra monumental, nen livrà: a son surtine 4 part an tre volum: 1^m volum: Lipsia, 1891; 2^nd volum: Lipsia, 1891; 2^nd volum, part seconda: Lipsia 1905; 3^rs volum, part prima: Lipsia, 1895)