Erice

Erice a l'é na comun-a dla region Sicilia, an provincia ëd Tràpani, con sirca 25.251 abitant. As dëstend su na surfassa ëd 47 kilòmetr quadrà, con na densità ëd popolassion ëd 537 abitant për chilòmeter quadrà. A confin-a con Buseto Palizzolo, Paceco, Tràpani, Valderice.

La sità, ëd grand anteresse torìstich, a resta an sël cò dël mont con l'istess nòm, an na postassion maravijosa da la mira dël panorama, dl'ambient e dël paisage.

Piassafòrta cartaginèisa, Pir a l'é ampadroniss-ne ant ël 277 aGC e a l'é stàit conquistà torna dai pùnich dël 275 aGC. Durant la prima guèra pùnica, Erice a l'é stàit crasà ant ël 260 aGC da le fòrse cartaginèise d'Amìlcar Barca, lòn ch'a l'ha mnà a la deportassion dla popolassion an col che al di d'ancheuj a l'é Tràpani.

Ij roman a l'han dominà Érice a parte dal 241 aGC. Ant l'época roman-a la località a l'era motobin frequentà për la presensa dël santuari ëd Véner Ericin-a.

Anviron dl'831 la fortëssa a l'é stàita ocupà da j'àrabo e a l'ha pijà ël nòm ëd Gebel-Hamed.
Con ij norman ant ël sécol ch'a fa XII a l'é ancaminà un perìod ëd granda prosperità, la sità a l'é torna popolasse e a l'han fàit d'antërvension radicaj an sla strutura urban-a. A l'era conossùa con ël nòm ëd Mont San Giulian.

Ij prodot artisanaj pì caraterìstich d'Érice a son le siràmiche, ij tapiss (frazzate) e le borse.

Ij murajon ëd sinta a armonto a d'époche diferente. Scasi gnente a l'é restà dij murajon megalìtich datàibij dël VI sécol aGC; la pì part a ven da le modìfiche fàite durant j'époche roman-a e norman-a.

Érice a l'é arnomà për ël Sènter antërnassional ëd coltura sientìfica E. Majorana, fondà ant j'agn 1960.

• Castel Pepoli

• Musé cìvich A. Cordici

• Cesa ëd San Gioann Batista