Confucianism

Ël Confucianism a l'é na filosofìa basà dzor j'anseignament ëd Confucio (511 - 479 prima ëd Nosgnor), che a l'é stàit n'ampòrtant filòsof cinèis. Ël confucianism a l'ha un complicà sistem ëd norme moraj, sociaj, polìtiche, e religiose e a l'ha avù na gròssa anfluensa an sla siviltà cinèisa.

Ël Confucianism a l'avìa ël but ëd fërmé l'aretrament ëd la società cinèisa. D'apress ch'a l'era drocaje la Dinastìa Zhou, la gent a-i pensava mach a lor midem e a l'avìa pa gnu rispet për j'àutr. Ël Confucianism a l'era dventà n'anseignament social an Cin-a, mostand che le relassion sociaj a l'ero motobin amportante. La gent a l'ha ancaminà a pòch a pòch a pratiché ël confucianism; com arzultà, ël Confucianism a l'ha portà a la gent amor, armonìa, e rispet ëd l'un con l'àutr.

Ël Confucianism a l'é ancaminà an Ch'u-fu, ël pòst ëd nàssita ëd Confucio. Ancheuj, ël Confucianism a l'é spatarà an tut ël mond, e a l'é anco' bin praticà an Cin-a.

J'anseignament ëd Confucio as concentro ëd pi dzor ël rispet për pare e mare, për j'ansian e për j'antenà. Ëdcò, chiel a pensava che j'uman a peulo mai pianté lì d'amparé; visadì la conossensa a l'é sensa fin, donca noi i podoma sempe amparé, mai pianté lì. Për esempi, na vòta a l'ha ciamà a un cit ëd set agn d'esse sò magìster, përchè ël cit a savìa cheicòs che chiel a savìa pa.