GNU/Linux

De Adiggl isch iwwas Bdriebssischdem Linux, fa onnare Bedeidunge vun Linux konschd do gugge

Mit GNU/Linux offd aa nur als Linux bezaischned määnd ma Betriibsischdeeme die de Linux-Kernel als Kernel benutze unn Sischdeemdiesnschde von GNU. GNU/Linux is änn freies unoxides Mehrbenutzasüsdäm, wo unter der GPL vaöffentlischd wädd.

Weil GNU/Linux unna ra fraie Lizenz steht wädd des uff da ganze Weld vun kommerzielle unn ned kommerzielle Organisazione unn Laid entwickelt unn oigsetzt.

GNU/Linux wädd vonn unnaschiedliche Organasiatione als Dischdributione õgeboode. So ä Dischribution is ä Zammeschdellung vun Ɔ̃wendungsbrogramme, Dienschdbrogramme äm Kernel unn na Pakedvawaldung. Die Pakedvawaldung braachd ma um Brogramme unn de Kernel zu aktualisiere unn zu inschdalliere.

Die maischde Server unn Subbacombjuda laafe unna GNU/Linux zum Baischbiel aa der Server vun da Wikipedia^[1], awa ma konn GNU/Linux a uff Desktopreschna laafe losse. Der Linuxkernel wädd haidzudaag imma mehr oigsetzt, zum Baischbiel a für Android, Färnsehja (z. B. Samsung Tizen) unn alle meeglischä Gereed, wo imma mehr Platine drin vabaut wärre uff denne Programme laafe misse.

Des GNU-Betriebssüdäm entstand ausm GNU-Projekt, wo 1983 vom Richard Stallman gschdadded worre is, wail ers ned hawwe konnt, dass imma mehr Õbieda von UNIX-Sischdäme ihr Süsdäm ohne Quelltext ausgelifert henn. Desweesche is s GNU-Sischdäm än freies UNIX, wie aim a die ironisch Langform von 'GNU': 'GNU is Not Unix' (GNU is ned Unix) zu vastehe gäwwe will . 'S Problem am GNU-Sischdäm war, dass se kenn gschaida Kernel hibekomme hawwe.

Da kaam der Linus Torvalds graad rischdisch. Der hodd im Jahr 1991 quasi aus vasehe den Betriebssischdämkern Linux entwickelt und den kozzerhand unna GPL veröffentlischd.

S' gäbbd GNU/Linux-Dischdributsione die sisch speziell uff de Desktopreschna unn Endbenutza schbezialisiert hawwe. Dazu köhre unna annerem Ubuntu^[2], Fedora^[3] OpenSuse^[4] Debian^[5] unn viele viele mehr! Bai de maischde Dischdributione kamma unnaschiedliche Desktopoberfläsche oisetze, wemmas komfortabel mag KDE oda GNOME, fir extra Effekte mim Fenschdavawalda Compiz, oder wemma n lõhma Reschna hodd ä effiziente ukomfortablere wie LXDE

Frija war UNIX bei de Server waid verbraided. Weil GNU/Linux stark kompatiblel is, fir umme unn auf faschd jeda maschin rennd, nimmd ma haidzudaag fir Server maischdens GNU/Linux. Prinzipiell konn ma jedi Dischdribution als Server laafe losse. 'S empfiehlt sisch hald, dass ma ä meeglischd schlanki Dischdri nimmt, damit ma nedd n Haafe unnitza Ebbes mitschlebbt, den der Server gar nädd braach unn nur longsamer machd.

Uff 462 von de 500 schnellschda Reschna der Weld laaf GNU/Linux^[6]

1. ↑ http://arstechnica.com/information-technology/2008/10/wikipedia-adopts-ubuntu-for-its-server-infrastructure/
2. ↑ https://web.archive.org/web/20120516155646/http://www.ubuntu.com/devices
3. ↑ http://fedoraproject.org/de_CH/features/#desktop
4. ↑ http://www.opensuse.org/
5. ↑ http://www.debian.org/intro/about
6. ↑ http://de.wikipedia.org/wiki/GNU/Linux#Supercomputer