Sever Alexandre
|
Sever Alexandre
| |
|---|---|
 | |
| Retrach de Sever Alexandre sus una pèça de moneda | |
| Biografia | |
| Naissença | 1èr d'octòbre de 208 |
| Decès | 18 de març de 235 |
| País: | Empèri roman |
| Epòca: | Antiquitat |
| Règne: | 222-235 |
| Davancièr: | Elagàbal |
| Successor: | Maximin Ièr |
Sever Alexandre (1èr d'octòbre de 208, Arca Cæsarea - 18 o 19 de març de 235, Moguntiacum) foguèt un emperaire roman que reinèt dau 11 de març de 222 a sa mòrt. Succediguèt a Elagàbal e foguèt remplaçat per Maximin Ièr. Son assassinat entraïnèt la fin de la dinastia severa e lo començament de la crisi militara romana dau sègle III.
Rèine
[modificar | Modificar lo còdi]
Venguèt emperaire après l'assassinat per una revòuta populara, sostenguda per la garda pretoriana, d'Elagàbal vengut fòrça impopular. Sa politica foguèt donc relativament prudenta: associacion dau Senat au govèrn, programa de bastidas dins la capitala... etc. Pasmens, deguèt pauc a pauc faciar l'ostilitat dei militars gaire desirós de donar lo poder ai civius.
A partir de 231, lei frontieras de l'Empèri foguèron menaçats per lei partes e per lei germans. Una guèrra còntra lei partes s'acabèt per un succès relatiu: l'armada dei partes foguèt vencuda mai lo pilhatge dei regions orientalas poguèt contuniar. Durant aquela campanha, deguèt faciar l'ostilitat de sei tropas e quauquei revòutas se debanèron localament. La situacion s'agravèt en 233 quand leis alamans menacèron au nòrd. Septim Alexandre assaièt de negociar e de crompar la patz entraïnant la revòuta de sei soudats e son assassinat.